Քահանայապետը հիւանդանոցի մէջ չորրորդ գիշերը եւս անցուց անդորր
Ռոպէր Աթթարեան - Վատիկան
Ֆրանչիսկոս Պապին առողջական վիճակը ներկայացնելով` երեքշաբթի 18 փետրուարի կէսօրուայ ժամանակներուն Սուրբ Աթոռի մամլոյ գրասենեակի տնօրէնը տիար Մաթթէօ Պրունի լրագրողներուն հետ ունեցած հանդիպումի նշեց` որ Քահանայապետը «գիշերը անցուցած է անդորրութեամբ։ Ան այսօր առաւօտեան արթննալէն ետքը, նախաճաշ ըրաւ ու սովորութեան համաձայն նուիրուեցաւ թերթերու ընթերցանութեան։ Հաւանական է որ կէսօրէն ետքը` ժամը 18-19, բժշկական յաւելեալ տեղեկութիւններ ունենանք։ Առ այժմ այդ մասին նորութիւններ չունիմ։ Երեկոյեան յաւելեալ տեղեկութիւններ կ՛ըլլան բժշկական մասի վերաբերեալ» ըսաւ ի միջի այլոց Պրունին։
Ֆրանչիսկոս Պապը մինչ այդ հարիւրաւոր պատգամներ կը ստանայ` շուտափոյթ ապաքինումի մաղթանքներով, ինչպէս նաև նկարներ և բացիկներ։ Անոնց շարքին յատկապէս Gemelli-ի մէջ խնամք ստացող մանուկներէն ու մասնաւորապէս՝ ուռուցքաբանական բաժանմունքին մէջ գտնուող մանուկներէն որոնք, կը գտնուին Քահանայապետի յարկին վրայ եւ զոր Նորին Սրբութիւնը յաճախ այցելած է հիւանդանոցի մէջ իր նախկին բուժումներուն առիթով։
Շնորհակալութիւն յօդուածը ընթերցելուն համար։ Եթէ կը փափաքիս թարմ լուրեր ստանալ կը հրաւիրենք բաժանորդագրուիլ մեր լրաթերթին` սեղմելով այստեղ
