Որոնել

Vatican News
Գերապայծառ Եանուշ Ուրպանչիկ Գերապայծառ Եանուշ Ուրպանչիկ 

Համավարակը թող, որ առիթ դառնայ կառուցելու աւելի եղբայրական հասարակութիւն» Գերապայծառ Եանուշ Ուրպանչիկ

«Առողջապահական արտակարգ իրավիճակը մեզ յիշեցնում է մարդկային կեանքի փխրունութեան մասին եւ ընդգծում մեր փոխկախուածութիւնը», ասել է Սուրբ Աթոռի դիւանագէտը, և աւելացրել, «պատասխանատու վարուելակերպը եւ համերաշխութիւնը էական են միւսների կեանքը չվտանգելու համար»։
Ունկնդրէ լուրը

Վատիկան Նիուզ

20-21 սեպտեմբերին «zoom» լսատեսողական կապով կայացաւ «Առաջացող մարտահրաւէրներին ընդհանրական անվտանգութիւնը խթանելու միասնական պատասխաններ» թեմայով ասիական համաժողովը՝ կազմակերպուած Եւրոպայում անվտանգութեան և համագործակցութեան կազմակերպութեան կողմից։

ԵԱՀԿ-ում Սուրբ Աթոռի Մշտական Դիտորդ Գերապայծառ Եանուշ Ուրպանչիկը ելոյթ ունենալով համաժողովին, նշել է, որ Քորոնա 19 համավարակի պատճառած ճգնաժամը կարող է «առիթ դառնալ կառուցելու աւելի եղբայրական եւ կարեկից հասարակութիւն»։

«Առողջապահական արտակարգ իրավիճակը մեզ յիշեցնում է մարդկային կեանքի փխրունութեան մասին եւ ընդգծում մեր փոխկախուածութիւնը», ասել է Սուրբ Աթոռի դիւանագէտը, և աւելացրել, «պատասխանատու վարուելակերպը եւ համերաշխութիւնը էական են միւսների կեանքը չվտանգելու համար»։

Այնուամենայնիւ համավարակի բացասական ազդեցութիւնները բազմաթիւ են. անհաւասարութիւնը ողբերգական հետեւանքներ է թողել յատկապէս խոցելի ու անապահով խաւի վրայ՝ աղքատներ, գաղթականներ, կալանաւորներ, նրանց ապրելակերպի վրայ՝ ընդհուպ մինչեւ դեղորայքի եւ պատուաստման, նոյնիսկ համարժէք «պատասխանատու, թափանցիկ եւ այժմէական» տեղեկատւութեան հասանելիութեան։

Գերապայծառ Ուրպանչիկը անդրադարձել է նաեւ կին աշխատաւորներին առաւել աջակցութիւն ցուցաբերելու անհրաժեշտութեանը՝ յղում կատարելով Ֆրանչիսկոս Պապի խօսքերին «կանանց հանդէպ չպէտք է խտրականութիւն ցուցաբերել աշխատավարձերի և առաջխաղացման տեսանկիւնից, կամ աշխատանքի կորստով, քանի որ նրանց ներկայութիւնը միշտ աւելի արժէքաւոր է հասարակական, քաղաքական, աշխատանքային և պաշտօնական ոլորտներում»։

22/09/2021, 10:43