Папата: И претприемачите и управителите треба да мирисаат на овците

Треба да се интересирате за животот на сопствените соработници, познавајќи и признавајќи ги нивните тешкотии, стравови, надежи и планови; и да настојувате секогаш да го имате општото добро како приоритет во сопствените одлуки за управувања и постапки, дури и кога тоа е во конфликт со обврските наметнати од економските и финансиските системи. Со тие зборови папата Фрањо им се обрати на групата француски претприемачи кои ги прими по повод нивното ходочастие во Рим во чиј фокус е темата за општото добро. Папата од нив бара својата водечка улога да ја извршуваат во согласност со Божјото срце, односно со поглед свртен во реалноста и не заборавајќи дека вршењето на власта одговара на служењето.

Ходочастието во Рим е убав и храбар знак – рече Папата и објасни, затоа што покажува дека во денешниот свет често обележан со индивидуализмот, рамнодушноста и маргинализацијата на најранливите луѓе, претприемачите и управителите ја имаат на срце службата на сите, а не само на приватните интереси или оние на ограничените кругови. Тоа несомнено е предизвик, но и причина за загриженост во рамки на професионалните одговорности.

Општото добро сигурно е одлучувачки фактор на вашето расудување и на вашите одлуки на должностите со кои раководите, но мора да се носите со обврските кои ги наметнуваат економските и финансиските системи кои сега се на сила, а кои често ги исмеаваат евангелските начела, општествената праведност и љубов – рече папата Фрањо. ...

Како Марија која соочена со „скандалот“ на сиромашните и влажни јасли не се обесхрабрила, ниту побунила, Папата ги поттикна француските претприемачи „да чуваат“ и да „размислуваат“. „Да чуваш“ значи да прифатиш, и покрај темнината и во понизност работи кои не сме ги сакале и кои е тешко да се прифатат, а кои не сме можеле да ги спречиме. Тоа исто така значи да не се обидуваш да го прикриеш или „разубавиш“ животот, да бегаш од сопствената одговорност – додаде Папата. Тоа значи и да „размислуваш„ во молитвата, а потоа да ги обединиш убавите и грдите работи кои го сочинуваат животот, подобро да ја сфатиш нивната испреплетеност и смислата од Божја перспектива. ...

Иако извршувањето на власта бара донесување на храбри одлуки и понекогаш особено супсидијарноста овозможува на сите да го дадат најдоброто од себе, да се учествуваат соучесници, да го носат својот дел од одговорноста и така да придонесат за заедничкото добро – напомена папата Фрањо и ги охрабри сите да го држат својот поглед вперен во Исус Христос, со својата молитвата и со принесување на секојдневната работа и да не се двоумат да го повикат Светиот Дух за да ги води нивните одлуки.