ር. ሊ. ጳ. ሊዮ 14ኛ፥ ሰላም ሰብዓዊ ክብር በሚረገጥበት ቦታ አቋም እንዲኖር የሚያሳስብ መሆኑን ገለጹ

የዚህ ዝግጅት አቅራቢ ዮሐንስ መኰንን - ቫቲካን

እንደ ክርስቲያኖች መልካምን ለማድረግ እና ለትክክለኛ ነገር ለመቆም ተጠርተናል ያሉት ርዕሠ ሊቃነ ጳጳሳት ሊዮ 14ኛ፥ ቅዳሜ ኅዳር 13/2018 ዓ. ም. ጠዋት በቫቲካን በተካሄደው የኢዩቤሊዩ ዓመት ሥነ-ሥርዓት ላይ ለተገኙት ታዳሚዎቻቸው አፅንዖት ሰጥተው ባሰሙት ንግግር እንደ ጎርጎሮሳውያኑ 1897–1980 ዓ. ም. ድረስ የኖረች የእግዚአብሔር አገልጋይ የዶሮቲ ቀንን አስታውሰዋል።

አሜሪካዊቷ ጋዜጠኛ፣ የማኅበረሰብ አንቂ እምነቷን ወደ ካቶሊክ እምነት የለወጠች በታላቁ የኢኮኖሚ ድቀት ወቅት የካቶሊክ ሠራተኞች ንቅናቄን በጋራ ያቋቋመች ዶሬቲ ለድሆች፣ ለስደተኞች እና ለሠራተኞች ባደረገችው ታላቅ ሥራ የምትታወቅ፣ በታሪክ ውስጥ በአስደናቂ ወቅት ወንጌልን በተጨባጭ በመኖር ተወድሳለች።

ታማኝ እና ተጨባጭ እንድትሆን ተጠርታለች

ቅዱስ አባታችን በዕለቱ በተነበበው ቅዱስ ወንጌል ላይ አጽኖት በመስጠት እንደተናገሩት፥ ምዕመናን ሌሎችን ለመርዳት ባላቸው ቁርጠኝነት ጠንካራ እንዲሆኑ ጥሪ አቅርበዋል። ወደ እግዚ አብሔር እንዲመለሱ፣ የተሰጡንን ብዙ ስጦታዎች እንድናውቅ እና የወንጌልን ፍቅር በእውነት የሚያንፀባርቅ ማኅበረሰብን በማስተዋወቅ በሕይወታችን ውስጥ አቋም እንድንይዝ አሳስበዋል።

በዚህ መልኩ የዶሮቲ ቀን ለካቶሊክ ምዕመናን ትልቅ ሞዴል እና መነሳሻ ሆኖ ሊያገለግል እንደሚችል አስረድተዋል።

ክርስቶስን በመምሰል ማኅበረሰብን መለወጥ

“ዶሮቲ በውስጧ ኃይል ነበራት!” በማለት የበዓሏን ቀን ያስታወሱት ርዕሠ ሊቃነ ጳጳሳት ሊዮ 14ኛ፥“የአገሯ የልማት ሞዴል ለሁሉም ሰው ተመሳሳይ ዕድሎችን እንዳልፈጠረ በወቅቱ ተመልክታ ነበር" ብለው፥ የዶሮቲ ሕልም ለብዙዎች ቅዠት እንደሆነ እና እንደ ክርስቲያን ከሠራተኞች፣ ከስደተኞች፣ በሚጎዳ የኢኮኖሚ ሥርዓት ከሚሰቃዩት ጋር እራሷን ማሳተፍ እንዳለባት ተረድታ ነበር” ሲሉ አስረድተዋል።

ዶሮቲ በልቧ፣ በአእምሮዋ እና በእጆቿ መልካም በሆነ መንገድ ማገልገሏን በማስታወስ፥ አገልግሎቷ እና ሥራዋ ቁጣን ወደ አንድነት እና ወደ ተግባር መለወጡን ገልጸው፥ “ተስፋ ማድረግ ከኢየሱስ ክርስቶስ ጋር ለመሆን አቋም መውሰድ ነው” በማለት በመላዋ ቤተ ክርስቲያን ውስጥ ይህ ኃይል እንደገና እንዲያቀጣጥል ጸሎታቸውን አቅርበዋል።