ር.ሊ.ጳ ሊዮ የዓለም መሪዎች የድሆችን ጩኸት ማዳመጥ አለባቸው ማለታቸው ተገለጸ!
የዚህ ዝግጅት አቅራቢ መብራቱ ኃ/ጊዮርጊስ-ቫቲካን
በዘጠነኛው የዓለም የድሆች ቀን፣ ርዕሰ ሊቃነ ጳጳሳት ሊዮ 14ኛ የድሆችን ኢዮቤልዩ ለማክበር በቅዱስ ጴጥሮስ ባዚሊካ የተከናወነውን መስዋዕተ ቅዳሴ መርተዋል፣ በቅዱስ ጴጥሮስ ባዚሊካ ወደ 6,000 የሚጠጉ ምዕመናን በመስዋዕተ ቅዳሴው ላይ መሳተፋቸው ተገልጿል።
ከመስዋዕተ ቅዳሴው በፊት፣ ርዕሰ ሊቃነ ጳጳሳቱ በቅዱስ ጴጥሮስ አደባባይ የተሰበሰቡትን 20,000 ምዕመናን ለመቀበል ለተወሰነ ጊዜ ቆይታ ያደረጉ ሲሆን በቅዱስ ጴጥሮስ አደባባይ በተተከሉ እስክሪኖች ላይ ዝግጅቱን እየተከተሉ “በታላቅ ፍቅር እና በጥልቅ እምነት፣ ሁላችንም በክርስቶስ አንድ መሆናችንን እያወቁ” በቅዳሴው እንዲሳተፉ ጋበዟቸው።
በስብከታቸው ርዕሰ ሊቃነ ጳጳሳቱ የዓመቱ ሥርዓተ አምልኮ ወደ ፍጻሜው እየተቃረበ መሆኑን አስታውሰው፣ በእለቱ የተነበቡት ምንባባት ወደ መጨረሻው የታሪክ ፍጻሜ እንደሚያመለክቱ በመግለጽ አስታውሰዋል።
ነቢዩ ሚክያስ የመጨረሻውን ጊዜ “የእግዚአብሔር ጊዜ፣ ልክ እንደ ንጋት የጽድቅን ፀሐይ የምታወጣ ንጋት፣ የድሆች እና የትሑታን ተስፋዎች ከጌታ የመጨረሻ መልስ የሚያገኙበት፣ የክፉዎች እና የፍትሕ መጓደላቸው፣ በተለይም ጠበቃ የሌላቸውን እና ድሆችን ላይ የሚደርሰው፣ የሚጠፋበት እና የሚቃጠልበት ጊዜ” ሲሉ ገልጸውታል።
ኢየሱስ፣ ርዕሰ ሊቃነ ጳጳሳቱ አክለውም እንደ ተናገሩ ከሆነ፣ ይህ የእግዚአብሔር “የጽድቅ ፀሐይ” ነው፣ እሱም የእግዚአብሔር ኃይል ነው፣ እሱም በሁሉም የታሪክ ድራማዊ ክስተቶች ውስጥ ንቁ እና የሚገኝ ነው" ማለታቸው የተገለጸ ሲሆን ጌታ “የራሳችንን ፀጉር እንኳን በቁጥር ያውቃቸዋል፣ አንድም እንዲጠፋ አይፈልግም” ስላለ፣ ክርስቲያኖች በተስፋ መቆም አለባቸው፣ ምክንያቱም ሊቀ ጳጳሳቱ እንደ ተናገሩት ከሆነ “በግል ሕይወታችን እና በኅብረተሰቡ ውስጥ በስደት፣ በመከራ፣ በተጋድሎ እና በጭቆና መካከል፣ እግዚአብሔር አይተወንም” ብለዋል። “እናም በልጁ በኢየሱስ፣ የእግዚአብሔር ቅርብነት የፍቅር ጫፍ ላይ ይደርሳል። በዚህ ምክንያት፣ የክርስቶስ መገኘት እና ቃል ለድሆች ደስታ እና ኢዮቤልዩ ይሆናል” ሲሉ ተናግረዋል።
ቤተክርስቲያኗ የዓለም የድሆች ቀንን ስታከብር፣ ርዕሰ ሊቃነ ጳጳሳት ሊዮ እንደ ተናገሩት ከሆነ የእርሳቸው የጵጵስና ዘመን የመጀመሪያ የሆነውን “ዲሌክሲ ቴ፣ 'ወደደድኳችሁ" የተሰኘውን ሐዋርያዊ ማሳሰቢያ የመክፈቻ ቃላቸውን አስታውሰዋል።
እነዚህን ቃላት በመፈጸም፣ ቤተክርስቲያኗ የድሆች እናት ለመሆን እና የፍትህ ቦታ ለማቅረብ እና ለሁሉም ሰው፣ በተለይም ድህነትን ለተሸከሙት ሰዎች ሁሉ እንኳን ደህና መጣችሁ ለማለት ትፈልጋለች ሲሉ በስብከታቸው የተናገሩት ቅዱስነታቸው "ብዙ የድህነት ዓይነቶች ዓለማችንን ይጨቁናሉ!" ሲሉ ርዕሰ ሊቃነ ጳጳሳቱ በሐዘን ተናግረዋል። በተለይም ወጣቶችን የሚያጠቃው ስለ ቁሳዊ ድህነት እንዲሁም ስለ ሥነ ምግባራዊ እና መንፈሳዊ ድህነት ጠቁመዋል።
"ሁሉንም የሚያጠቃው አሳዛኝ ነገር ብቸኝነት ነው" ብለዋል። "ድህነትን ሙሉ በሙሉ እንድንመለከት ይገፋፋናል፣ ምክንያቱም አንዳንድ ጊዜ ለአስቸኳይ ፍላጎቶች ምላሽ መስጠት አስፈላጊ ቢሆንም፣ የብቸኝነትን ግድግዳዎች በትክክል ለማፍረስ የትኩረት ባህል ማዳበር አለብን" ሲሉ ተናግረዋል።
ርዕሰ ሊቃነ ጳጳሳቱ ክርስቲያኖች በመስመር ላይ፣ በስራ ቦታችን ወይም በቤተሰባችን ውስጥ ብንገኝ ለሌሎች ትኩረት እንዲሰጡ ጥሪ አቅርበዋል፣ የእግዚአብሔርን ርህራሄ ለመመስከር ብዙ እድሎች እንዳሉን ተናግረዋል።
ወደ ዓለም አቀፉ ሁኔታ ሲመለሱ፣ ርዕሰ ሊቃነ ጳጳሳት ሊዮ 14ኛ በብዙ የዓለም ክፍሎች የጦርነት ሁኔታዎች አዝነዋል፣ የሰው ልጅ በድህነት ሁኔታ ውስጥ መሆኑን የሚያረጋግጡ ይመስላሉ ብለዋል።
"ሆኖም ግን የድህነት ዓለም አቀፋዊነት የሚመጣው ከውሸት ነው፣ ታሪክ ሁልጊዜ እንደዚህ እንደነበረ እና ሊለወጥ እንደማይችል ከማመን ነው" ብለዋል። “በሌላ በኩል ወንጌል ጌታ ሊያድነን የሚመጣው በታሪክ ውጣ ውረድ ውስጥ መሆኑን ያስታውሰናል” ሲሉ የተናገሩት ርዕሰ ሊቃነ ጳጳስ ሊዮ የዓለም መሪዎች የፖለቲካ ኃላፊነት የሚሸከሙትን የሚፈታተንን የድሆችን ጩኸት እንዲያዳምጡ አሳስበዋል።
“ፍትህ ከሌለ ሰላም ሊኖር አይችልም” ብለዋል፣ “ድሆችም ይህንን በብዙ መንገዶች በስደት እንዲሁም በጩኸታቸው ያስታውሱናል፣ ይህም ብዙውን ጊዜ ሁሉንም ሰው ግምት ውስጥ የማያስገባው እና ብዙ ግለሰቦችን የሚረሳ እና ለዕጣ ፈንታቸው የሚተው የደህንነት እና የእድገት አፈ ታሪክ ነው” ያሉት ቅዱስነታቸው የድሆችን ሁኔታ ለማቃለል የሚጥሩ የበጎ አድራጎት ሰራተኞችን እና በጎ ፈቃደኞችን ጥረት አበረታተዋል፣ የእምነትን እና የቤተክርስቲያኗን አንድነት በመግለጻቸው አመስግነዋል።
በማጠቃለያ ርዕሰ ሊቃነ ጳጳሳት ሊዮ የሰው ልጅ አብሮ መኖርን “ያለ ልዩነት ለሁሉም የወንድማማችነት እና የክብር ቦታ” ለማድረግ በመስራት የእግዚአብሔርን መንግሥት እንዲፈልጉ ሁሉም ክርስቲያኖችን ጋብዘዋል።
“ማርያም የመንግሥቱን አዲስ የአስተሳሰብ መንገድ እንድንቀበል ትርዳን” ብለዋል፣ “በክርስቲያናዊ ሕይወታችን የእግዚአብሔር ፍቅር፣ የሚቀበል፣ ቁስሎችን የሚጠግን፣ ይቅር የሚል፣ የሚያጽናና እና የሚፈውስ መንፈስ ሁልጊዜም እንዲኖር” እጸልያለሁ ካሉ በኋላ ቅዱስነታቸው ስብከታቸውን አጠናቀዋል።
