ርዕሰ ሊቃነ ጳጳሳት ሊዮ 14ኛ፣ ጓዳሉፔ እና በባህል ውስጥ የሰረጸ ቅዱስ ወንጌል

የዚህ ዝግጅት አቅራቢ መብራቱ ኃ/ጊዮርጊስ-ቫቲካን

በላቲን አሜሪካ የጳጳሳት ኮሚሽን፣ በሜክሲኮ ጳጳሳት ጉባኤ፣ በኮሎምበስ ናይትስ እና በጳጳሳዊ ዓለም አቀፍ የማሪያን አካዳሚ የተደገፈው የሥነ-መለኮት- ሐዋርያዊ እንክብካቤ ጉባኤ፣ እ.አ.አ በ2031 ዓ.ም ለሚካሄደው የኢዮቤልዩ ዝግጅት በጓዳሉፔ እመቤታችን ላይ አስተንትኖ ለማድረግ ይጥራል፣ ይህም በቴፔያክ ኮረብታ ላይ ለቅዱስ ሁዋን ዲያጎ እምቤታችን ቅድስት ድንግል ማርያም ከተገለጠች 500 ዓመታት መታሰቢያ ላይ የሚካሄድ ነው።

በጥር 28/2018 ዓ.ም በጻፉት መልእክት፣ ርዕሰ ሊቃነ ጳጳሳት ሊዮ 14ኛ በታሪክ ውስጥ ራሱን የገለጠበትን መንገድ፣ ከውጭ የተጫነ ረቂቅ ሀሳብ ሳይሆን፣ ወደ ሰው ልጅ ተሞክሮ በመግባት እና አሳታፊ ነፃነትን በማሳየት ያንፀባርቃሉ። ወንጌልን ማወጅ ማለት ኢየሱስ ክርስቶስን ከእሱ ጋር እንዲቀርብ ማድረግ እና የግል እና የጋራ ሕይወትን የሚቀርጽ ሕያው ግንኙነትን ማጎልበት ማለት ነው ሲሉ ቅዱስነታቸው በመልእክታቸው ገልጸዋል።

ጓዳሉፔ፡ ከክርስቶስ ጋር የመገናኘት ተምሳሌት  

ርዕሰ ሊቃነ ጳጳሳቱ ስለ ጓዳሉፔ ድንግል ማርያም ሲናገሩ፣ እውነተኛ የሆነ የአምልኮ ሥርዓት ባህሎችን አያጠፋም ወይም አያጣምም ብለዋል። ይልቁንም ከክርስቶስ ጋር የመገናኘት ቦታዎች እንዲሆኑ ያስባል እና ያነጻቸዋል። የቴፔያክ ክስተት፣ የክርስቲያን መገለጥን ታማኝነት እና አዲስነት በመጠበቅ ወንጌልን ያለግዳጅ ለማወጅ ምሳሌ ይሰጣል ብለዋል።

እምነትን በባሕል ውስጥ ማስረጽ አድካሚ ሂደት ነው

ርዕሰ ሊቃነ ጳጳሳት ሊዮ እምነትን በባሕል ውስጥ ማስረጽ አድካሚ እና የሚያነጻ ሂደት መሆኑን አፅንዖት ሰጥተው የተናገሩ ሲሆን በባህሎች ውስጥ ያሉትን "የቃሉን ዘር" ማወቅን ያካትታል፣ እያንዳንዱ የሰው ልጅ እውነታ በክርስቶስ የፋሲካ ምስጢር በሚፈሰው ጸጋ እንዲበራ እና እንዲለወጥ ማረጋገጥን ያካትታል። ምንም ዓይነት ባህል፣ ምንም ያህል ሀብታም ቢሆንም፣ እንደ የመጨረሻ የእምነት መለኪያ ሆኖ ሊያገለግል አይችልም ሲሉ በአጽኖት ገልጸዋል።

በዘመናዊ የከተማ እድገት እና በብዝሃነት በተሞላ አግባብ ውስጥ፣ የእምነት ስርጭት ከአሁን በኋላ ሊታሰብ እንደምችል አስተውለዋል። በዚህ ምክንያት፣ እ.አ.አ በ2007 ዓ.ም የአፓሬሲዳ ሰነድ ቀጣይነት ባለው መልኩ፣ የቤተክርስቲያኒቱ ማዕከላዊ ተግባር እንዲሆን ለትምህርተ ክርስቶስ አስተምህሮ ቁርጠኝነትን እንደገና እንዲሰጥ ጥሪ አቅርበዋል፣ ይህም የዛሬውን የባህል ተግዳሮቶች ለማሳተፍ የሚያስችል የጎለመሰ እና ንቃተ ህሊና ያለው ደቀ መዛሙርትነትን ማሳደግ ነው ሲሉ ቅዱስነታቸው አክለው በመልእክታቸው አስፍረዋል።