Біскупы: адказнасць за мір як генетычны код ЕС
Аляксандр Амяльчэня - Vatican News
Вясновая сустрэча Камісіі Біскупскіх Канферэнцый Еўрапейскай Супольнасці (COMECE), якая праходзіла 22-24 красавіка 2026 года, стала нагодай для глыбокага аналізу ролі Еўропы ў сучасных канфліктах.
У выніковым дакуменце іерархі заўважаюць: Еўрапейскі Саюз, што паўстаў як адказ на жахі вайны, сёння валодае асаблівым мандатам даверу для прасоўвання стабільнасці праз дыпламатыю і шчыры дыялог.
Сведчачы пра трагедыі на Блізкім Усходзе, ва Украіне і ў Судане, біскупы выказалі духоўную блізкасць з усімі, хто пакутуе ад гвалту. Як адзначаецца ў заяве, трываласць хрысціянскіх супольнасцей у гарачых пунктах планеты застаецца важным знакам надзеі для ўсяго чалавецтва. Іерархі звяртаюцца да думкі Папы Льва XIV, які нястомна нагадвае: сапраўдны спакой немагчыма навязаць зброяй – ён нараджаецца там, дзе бачаць годнасць кожнага чалавека.
У часы глабальнай нестабільнасці біскупы бачаць неабходнасць у салідарных дзеяннях дзяржаў для абароны міжнароднага права. Яны настойваюць на тым, каб у працэсах прымірэння абавязкова ўлічваўся голас рэлігійных супольнасцей.
Велікодная радасць, як рэзюмуюць прадстаўнікі еўрапейскіх епіскапатаў, дае вернікам упэўненасць: нават у самыя цёмныя часы апошняе слова застанецца не за несправядлівасцю, а за трывалым і справядлівым мірам.
