Ад кананічнага права да сацыяльных навук: стыпендыі ў “Angelicum"
Марыя Валодзіна - Vatican News
Праграма прадугледжвае тры катэгорыі стыпендый. Стыпендыя святога Раймунда Пеньяфорцкага прызначана для тых, хто пачынае навучанне ў галіне кананічнага права, і поўнасцю пакрывае кошт першага курсу ліцэнцыяту ў 2026–2027 навучальным годзе. Стыпендыя носіць імя дамініканскага кананіста Раймунда з Пеньяфорта, заступніка факультэта кананічнага права.
Стыпендыя святога Антаніна разлічана на студэнтаў філасофіі і тэалогіі і пакрывае поўны кошт трохгадовага навучання па праграме бакалаўрыяту. Яна названая ў гонар дамініканіна Антаніна П'ероцы, арцыбіскупа Фларэнційскага, тэолага і духоўнага настаўніка, чые думкі аказалі значны ўплыў на развіццё тамізму.
Трэцяя стыпендыя імя Дамініка Піра прысвечана дамініканскаму манаху Жоржу Дамініку Піру, былому студэнту “Анджэлікума”, які быў узнагароджаны Нобелеўскай прэміяй міру ў 1958 годзе за працу на карысць бежанцаў. Стыпендыя фінансуе першы курс навучання для дзесяці студэнтаў бакалаўрыяту ў галіне сацыяльных навук.
Заяўкі на стыпендыі павінны быць пададзены ў адпаведнасці з інструкцыямі, выкладзенымі ў афіцыйным дакуменце, які можна спампаваць або атрымаць у сакратарыятах адпаведных факультэтаў.
Папскі ўніверсітэт святого Тамаша Аквінскага (“Angelicum”) мае шматвяковую гісторыю, якая бярэ пачатак у 1222 годзе, калі Папа Ганорый III перадаў дамініканам комплекс святой Сабіны ў Рыме. Яго карані засноўваюцца на місіі гэтага ордэна — вывучаць, навучаць і абвяшчаць праўду, што адлюстравана ў дэвізе “Veritas”. Сярод яго самых вядомых выпускнікоў — два Папы: Ян Павел II і Леў XIV.
