Пантыфік прыняў на аўдыенцыі прэзідэнта Манголіі

Марыя Валодзіна – Vatican News

Пасля аўдыенцыі прэзідэнт Манголіі сустрэўся з Дзяржсакратаром, кардыналам П’етра Паралінам, якога суправаджаў падсакратар па сувязях з дзяржавамі і міжнароднымі арганізацыямі, мансіньёр Міхайца Блай.

У ходзе цёплых перамоў у Дзяржаўным сакратарыяце бакі адзначылі добры стан двухбаковых адносін паміж Святым Пасадам і Манголіяй, выказаўшы агульнае жаданне развіваць іх і далей, у тым ліку ў культурнай сферы.

Асобна быў падкрэслены станоўчы ўклад мясцовага Каталіцкага Касцёла ў жыццё мангольскага грамадства, асабліва ў сферы адукацыі і аховы здароўя.