Папа змяніў парадак выдалення вышэйшых настаяцеляў кляштараў

Аляксандр Амяльчэня – Vatican News

25 сакавіка 2026 года падчас аўдыенцыі для кардынала-дзяржсакратара П’етра Параліна Пантыфік зацвердзіў спецыяльны рэскрыпт, які непасрэдна тычыцца жыцця манаскіх супольнасцей і ўносіць істотныя карэктывы ў працэдуры, звязаныя з дысцыплінарнымі пытаннямі на ўзроўні дыяцэзій.

Такое рашэнне Леў XIV прыняў, зважаючы на тое, што яшчэ яго папярэднік Папа Францішак станоўча выказваўся наконт такой ініцыятывы. Новая норма тычыцца складаных сітуацый, звязаных з кіраваннем у манаскіх структурах.

Згодна з тэкстам рэскрыпта, Дыкастэрыя па справах інстытутаў кансэкраванага жыцця і таварыстваў апостальскага жыцця цяпер мае права дазваляць кампетэнтнаму дыяцэзіяльнаму біскупу выдаваць дэкрэт аб выдаленні (паводле канона 699 § 2 Кодэкса кананічнага права), калі асоба, якая падлягае выдаленню, з’яўляецца вышэйшым настаяцелем кляштара. Гэта дазваляе больш аператыўна і на належным узроўні вырашаць дысцыплінарныя пытанні ў закрытых манаскіх структурах.

Святы Айцец распарадзіўся апублікаваць дакумент у "L’Osservatore Romano" і ў афіцыйным бюлетэні "Acta Apostolicae Sedis". Новыя правілы набываюць моц адразу пасля абнародавання.