Прэзідэнт Літвы ў Ватыкане: у цэнтры ўвагі – Украіна
Аляксандр Амяльчэня - Vatican News
Раніцай 6 кастрычніка 2025 года ў Апостальскім палацы ў Ватыкане Святы Айцец прыняў на аўдыенцыі Прэзідэнта Літоўскай Рэспублікі Гітанаса Наўседу.
Пазней літоўскі лідар сустрэўся з кардыналам-дзяржсакратаром П’етра Паралінам і арцыбіскупам Полам Рычардам Галахерам, Сакратаром па адносінах з дзяржавамі і міжнароднымі арганізацыямі.
Падчас сардэчных размоў у Дзяржаўным сакратарыяце было выказана задавальненне добрымі і плённымі адносінамі паміж Святым Пасадам і Літоўскай Рэспублікай. Асноўная ўвага была нададзена міжнародным праблемам, у прыватнасці вайне ва Украіне.
Бакі падкрэслілі неабходнасць актывізаваць пошук дыпламатычных рашэнняў. Была адзначана важнасць прадухілення рызыкі пашырэння канфлікту, што магло б мець непрадказальныя і жахлівыя наступствы для ўсяго свету.
