Ватыканская ліга: феерыя галоў на старце сезона

Ян Глінскі

На полі ўжо сустрэліся каманды Ватыканскай аптэкі (FARMACIA) і Швейцарскай гвардыі (FC GUARDIA). Падчас матчу супрацоўнікі аптэкі рашуча атакавалі супраціўніка і выйшлі пераможцамі. Швейцарская гвардыя, вядомая сваёй дысцыплінай і атакуючым духам, нечакана прайграла – 11:7.

Каманда Апостальскага архіва (ARCHIVIO), у сваю чаргу, перамагла з лікам 9:4 у матчы з камандай Асацыяцыі святых Пятра і Паўла (ASSOCIAZIONE SANTI PIETRO E PAOLO).

Абодва матчы ўвойдуць у летапіс лігі як матчы сезона з найбольшай колькасцю забітых галоў.

З меншым адрывам выглядаюць вынікі матча паміж камандамі Ватыканскіх музеяў (MUSEI) і Дырэкцыі па эканамічных пытаннях і бяспецы (DIRSECO). DIRSECO выйграла з лікам 3:2, забяспечыўшы сабе месца ў верхніх радках турнірнай табліцы.

Каманда Асацыяцыі творцаў і работнікаў (PACAO) таксама прадэманстравала моцную гульню, перамогшы каманду хору Сікстынскай капэлы (Coro Cappella) з лікам 4:2.

Вынікі згаданых матчаў змянілі баланс сіл у верхняй частцы турнірнай табліцы. ARCHIVIO і FARMACIA дасягнулі беспрэцэдэнтнай колькасці забітых галоў. У наступных раўндах камандам трэба будзе засяродзіцца на ўмацаванні абароны, каб пазбегнуць чарговай “лавіны” галоў.