«Համացանցը եւ Երիտասարդութիւնը» Հայր Գէորգ Եպիս Ասատուրեան
Վերջերս դիմատետրի վրայ հանդիպեցայ Լիբանանի կաթողիկէ եկեղեցւոյ երիտասարդութեան հանդիպումներու, բան մը որ ինծի սրտի խոր գոհունակութիւն պատճառեցրեց:
Ժամանակակից զարգացումներու եւ գիտական յառաջդիմութեան զուգահեռ, կարեւոր է դիտարկել, թէ ինչպէս կաթողիկէ եկեղեցին՝ իր ուսուցումներով եւ արժեգներով, կը վերաբերի երիտասարդութեան հասարակութեան մէջ ունեցած դերին մասին ՝ յատկապէս հաղորդակցման միջոցներուն եւ ընկերային համացանցերու հետ: Այս թեման անչափ նշանակալի է, որովհետեւ վերջին տարիներու ընթացքին ընկերային համացանցը դարձած է մարդու առօրեային անբաժանելի մէկ մասը. իսկ երիտասարդները կը գտնուին անոր կեդրոնը: Անոնց մօտեցումը նիւթապաշտ աշխարհին ու անոր արժեգներուն հանդէպ, մեծապէս փոխուած են: Եկեղեցին այստեղ ունի իր հիմնական դերը՝ յուշելու այնպիսի ուղիներ, վեր առնելով քրիստոնէական պատուիրանները, որոնք կ'օգնեն երիտասարդներուն որպէսզի չկորցնեն իրենց հոգեւոր ուղղութիւնը եւ քրիստոնէական արժէքները:
Կաթողիկէ եկեղեցին միշտ ալ անհրաժեշտ գտած է, որ իր հաւատացեալները՝ յատկապէս երիտասարդները, զբաղուին կարեւոր հարցերով՝ այն ինչ որ կը վերաբերի քրիստոնէական կեանքի հիմքերուն հետ եւ : Երիտասարդները համացանցի միջոցով իրենց գաղափարներն ու մշակոյթը կրնան փոխանակել տարբեր հարցերու եւ եղելութիւններու մասին: Սակայն, միաժամանակ, համացանցը կրնայ հանդիսանալ կործանիչ գործիք մը, եթէ չօգտագործուի ըստ քրիստոնէական եւ ճշմարիտ արժեգներու: Եկեղեցին կը հասկանայ, որ համացանցը՝ իր բաց ու հասանելի բնոյթով, կրնայ դառնալ նաեւ վնասակար դաստիարակութեան վայր, ուր թշնամական քարոզչութիւն եւ վայրագութեան ազդեցութիւնները կը սփռուին: Ասոնք համացանցի վտանգներէն մէկն օրինակն է, որու վերաբերեալ եկեղեցին յաճախ կը յուշէ իր հաւատացեալներուն:
Կաթողիկէ եկեղեցին կը նկատէ, որ համացանցը, երբ օգտագործուի ի բարօրութիւն հասարակութեան, կրնայ ծառայել քրիստոնէական ճշմարտութեան տարածման. հաղորդել բարոյական արժեգներ. աջակցել ընկերային արդարութեան գաղափարներուն ու տարածել ողորմութեան ու բարութեան առաքինութիւնները: Եկեղեցին կոչ կ'ընէ իր երիտասարդներուն շփուիլ համացանցի հետ, սակայն միշտ ըստ այն սկզբունքներուն, որոնք հիմնուած են քրիստոնէական ուսուցումներու վրայ՝ սիրոյ, հաւատքի եւ բարեգործութեան: Եկեղեցականները միշտ կը պնդեն, որ երիտասարդները պէտք է խուսափին բացասական ազդեցութիւններէն եւ համացանցի հետ կառուցեն ուղիղ կապ մը, որոնք հիմնուած են փոխ-ըմբռնումի, սիրոյ եւ հաւատքի վրայ:
Այս ամբողջը չի նշանակէր, որ կաթողիկէ եկեղեցին կը մերժէ համացանցի օգտագործումը. այլ միայն՝ կը յորդորէ երիտասարդներուն, որ ըլլան ուշադիր ու պատասխանատու իրենց համացանցային վարքագիծին մէջ: Եկեղեցին կը հաւատայ, որ ճիշտ դաստիարակութիւնը, որ հիմնուած է Աստուծոյ սիրոյ ու համբերութեան վրայ, կրնայ օգնել երիտասարդներուն, որ օգտագործեն համացանցը իր առաւելագոյն անհնարաւորութիւնով՝ առանց զոհաբերելու իրենց հոգեւոր արժեգներն ու կեանքերը:
Այդպիսով՝ համացանցն ու երիտասարդութիւնը կաթողիկէ եկեղեցիին տեսանկիւնէն այն է, ինչ որ կրնայ գործել ի բարօրութիւն մարդկութեան եւ քրիստոնէական ուսուցումին. բայց միայն այն ժամանակ, երբ իւրաքանչիւր անհատ յիշէ, որ համացանցը մեզ ենթակայ կը դարձնէ բարձրագոյն պատասխանատուութեան հանդէպ հասարակութեան՝ մտքով, ինչպէս նաեւ հոգիով:
Շնորհակալութիւն յօդուածը ընթերցելուն համար։ Եթէ կը փափաքիս թարմ լուրեր ստանալ կը հրաւիրենք բաժանորդագրուիլ մեր լրաթերթին` սեղմելով այստեղ
