Լիբանանի Հարիսայի Սուրբ Աստուածածնայ սրբավայրը

Ռոպէր Աթթարեան - Վատիկան

Լիբանանի Սուրբ Աստուածածնայ սրբավայրը կառուցուած է 1904 թուականին՝ Պիոս Թ Քահանայապետի կողմէ Անարատ Յղութեան Վարդապետութեան հռչակման 50-ամեակի առիթով: Անոր բացման արարողութիւնը տեղի ունեցաւ 1908 թուականի մայիսի առաջին կիրակի օրը, որ դարձած է Լիբանանի Աստուածածնի ամէնամեայ տօնը:

Ֆրանսիայի Լիոն քաղաքին մէջ ձուլուած Տիրամօր սպիտակ պրոնզէ արձանը` ունի 8.50 մեթր բարձրութիւն եւ կը կշռէ մօտաւորապէս 15 թոն: Ձեռքով կերտուած քարէ պատուանդանի աշտարակը, որ կոնաձև է, ունի 21 մեթր բարձրութիւն, և անոր պարուրաձև աստիճաններով է որ ուխտաւորները կը բարձրանան, յաճախ բոպիկ կամ ծունկի, մինչև գագաթնակէտը գտնուող արձանը, այնտեղ աղօթելու անոր ոտքին։

Լիբանանի միսիոներներու միաբանութեան խնամքին վստահուած այս սրբավայրը Միջին Արևելքի ամենակարևոր մարեմեան սրբավայրերէն մէկն է: Ուխտաւորները այնտեղ կը փութան տարուայ բոլոր եղանակներուն, յատկապէս մայիս ամսուայ ընթացքին, երբ գիշերային երթերը կը մեկնին Ժունէի ծովեզերեան ափերէն բարձրանալով մինչեւ սրբավայր:

Բազմաթիւ են նաեւ իսլամ այցելուները որոնք այնտեղ կ՛երթան մեծարելու համար Տիրամայրը ու հայցելու անոր բարեխօսութիւնը։

1993 թուականի Յուլիսէն ի վեր սրբավայրի պատուանդանի աշտարակի կողքին կանգնած է նոր Եկեղեցի մը` որ նման է մեծ նաւու մը։ Այնտեղ պահպանուած է Լուրտի Աստուածամօր արձանի կրկնօրինակը, որ Սուրբ Յովհաննէս Պօղոս Բ-ը օրհնեց 1992 թուականի մարտի 22-ին՝ Վատիկանի տաճարին մէջ հիւանդներուն համար մատուցած պատարագի ժամանակ, և Լիբանան բերուեցաւ Opera Romana Pellegrinaggi-ի կողմէն։