Հաւատոյ Վարդապետութիւնը. Միակնութիւնը սահմանափակում չէ, ամուսնանալը անսահմանութեան խոստումն է։
Վազգէն Աբարդեան - Վատիկան
Հաւատոյ Վարդապետութեան Վերատեսչութիւնը իր «Մէկ մարմին. Միակնութեան Գովքը» խորագրով վարդապետական յայտարարութեան մէջ ամուսնութիւնը կը սահմանէ որպէս «անխզելի միութիւն» եւ «բացառիկ միութիւն եւ փոխադարձ պատկանելիութիւն»։ Փաստաթուղթը, որ հաստատուեցաւ Լեւոն ԺԴ-ի կողմէ, հրատարակուեցաւ քրիստոնէական ամուսնութեան արժէքը վերահաստատելու համար այն դարաշրջանին մէջ, որ կը բնութագրուի անհատապաշտութեամբ, սպառողականութեամբ եւ ոչ-միակնայ միութեան նոր ձեւերով (բազմասիրութիւն), ինչպէս նաեւ ի պատասխան Ափրիկէի մէջ բազմակնութեան մասին քննարկումներուն։
Փաստաթուղթին կարեւոր կէտերը
Միակնութիւնը սահմանափակում մը չէ։ Միակնութիւնը կը ներկայացուի որպէս յաւերժութեան բացուող սիրոյ մը կարելիութիւնը, ոչ թէ որպէս սահմանափակում։ Ինքզինք ամբողջական եւ լրիւ նուիրելը կարելի է միայն երկու անձի միջեւ։
Փոխադարձ պատկանելիութիւն։ Այս տարրը էական է եւ կը հիմնուի ամուսիններուն ազատ համաձայնութեան վրայ։ Անիկա սեփականութիւն չէ, այլ Երրորդութեան հաղորդութեան արտացոլումը եւ կայունութեան դրդապատճառ։
Բռնութեան դատապարտում։ Փաստաթուղթը կը դատապարտէ բռնութեան (ֆիզիքական կամ հոգեբանական) ճնշումի եւ վերահսկողութեան ամէն ձեւ, կրկին աւելցնելով որ «Ամուսնութիւնը սեփականութիւն չէ»։ Առողջ սէրը կը յարգէ ուրիշին ազատութիւնն ու արժանապատուութիւնը։
Ինքնավարութեան անհրաժեշտութիւն։ Զոյգը պէտք է հասկնայ եւ ընդունի մտածումի պահերը կամ ինքնավարութեան տարածքները, քանի որ սէրը չի կրնար կլանել ուրիշը։
Ամուսնական Եղբայրսիրութիւն։ Եղբայրսիրութիւնը «միաւորող զօրութիւնն» է, որ սնուցուած աղօթքով եւ սուրբ կեանքով, կը կերպարանափոխէ ամուսնութիւնը, որպէս «ամենամեծ բարեկամութիւնը» երկու սիրտերու միջեւ։
Սեռականութիւն եւ բեղունութիւն։ Սեռականութիւնը «Աստուծոյ հրաշալի պարգեւ» մըն է՝ հասկացուած «մարմնով ու հոգիով», որ կ'ուղղէ դէպի ինքնանուիրում եւ ուրիշին բարիքը։ Եղբայրսիրութիւնը կը թափուի նաեւ բեղունութեան մէջ, թէեւ ամուսնութիւնը կը պահպանէ իւր էական բնոյթը նոյնիսկ անզաւակ ըլլալով։
Կրթութեան շտապ պահանջը։ «Յետ-ժամանակակից սպառողական անհատապաշտութեան միջավայրին մէջ», փաստաթուղթը կը շեշտէ նոր մանկավարժութեան անհրաժեշտութիւնը երիտասարդներուն կրթելու համար։ Սէրը պէտք է ներկայացուի որպէս պատասխանատուութիւն եւ յոյսի կարողութիւն, ոչ թէ որպէս զուտ ազդակ։
Աղքատներուն հանդէպ բացուիլը։ Ամուսնական Եղբայրսիրութիւնը կ'արտայայտուի՝ զոյգը համայնքի համար համատեղ ծրագիրներու բանալով։ Աղքատներուն հանդէպ ուշադրութիւնը «հակաթոյն» մըն է եսասիրութեան (ընտանիքներու միջեւ ամուսնութեան) դէմ։
Անսահմանութեան խոստում։ Միութիւնը էական յատկութիւնն է, որ կը հիմնաւորէ անխզելիութիւնը։ Ամուսնական սէրը շարունակական աճի կանչուած զօրաւոր իրականութիւն մըն է, որպէս «անսահմանութեան խոստում»։
Շնորհակալութիւն յօդուածը ընթերցելուն համար։ Եթէ կը փափաքիս թարմ լուրեր ստանալ կը հրաւիրենք բաժանորդագրուիլ մեր լրաթերթին` սեղմելով այստեղ
