Բնագիտութեան եւ բժշկութեան Նոպելեան Մրցանակը շնորհուած է ամերիկացի եւ ճափոնցի գիտնականներուն
Բնագիտութեան կամ բժշկութեան բնագաւառին մէջ Նոպելեան մրցանակի 2025 թուականի դափնեկիրներն են ամերիկացիներ Մերի Պրունքոուն, Ֆրետ Ռամտելը եւ ճափոնցի Շիմոն Սաքակուչին` «շրջապատային ախտամերժական հանդուրժողականութեան վերաբերեալ իրենց յայտնագործութիւններուն համար»: Այս մասին նշուած է Նոպելեան մրցանակի յանձնախումբի յայտարարութեան մէջ:
«Այս տարուան մրցանակակիրները յայտնաբերած են, թէ ախտամերժական համակարգի աշխատանքը ինչպէ՛ս կը վերահսկուի: Մարմինի հզօր ախտամերժական համակարգը պէտք է կարգաւորուի, հակառակ պարագային անիկա կրնայ յարձակիլ մեր իսկ գործարաններուն վրայ», նշուած է յայտարարութեան մէջ:
Երեք գիտնականները մրցանակը ստացած են ախտամերժական համակարգի կողմէ մարմինին վնասելը կանխարգիլող շրջապատային ախտամերժական հանդուրժողականութեան առնչուած նորարարական յայտնագործութիւններու համար: Դափնեկիրները ճշդած են ախտամերժ համակարգի «անվտանգութեան պահապանները» կարգաւորող «Թի» բջիջները, որոնք կը կանխարգիլեն ախտամերժային բջիջներու մարմինի վրայ յարձակումը:
Անոնց յայտնագործութիւնները սկիզբ դրած են շրջանակային հանդուրժողականութեան ոլորտի զարգացման` խթանելով մշակումը քաղցկեղի եւ ինքնահանդուրժողական հիւանդութիւններու բուժման նոր մեթոտներու, որոնցմէ մէկ քանին այժմ դարմանատնային փորձարկումներու փուլի մէջ են:
Նոպելեան մրցանակի յանձնախումբէն նշած են, որ ասիկա կրնայ յանգեցնել նաեւ աւելի յաջող փոխպատուաստանիւթերու մշակման:
Աղբիւրը` Ազդակ
Շնորհակալութիւն յօդուածը ընթերցելուն համար։ Եթէ կը փափաքիս թարմ լուրեր ստանալ կը հրաւիրենք բաժանորդագրուիլ մեր լրաթերթին` սեղմելով այստեղ
