Ապահովութեան Խորհուրդը այսօր Կազայի մէջ խաղաղութեան վերաբերեալ Թրամփի ծրագիրին շուրջ քուէարկութիւն պիտի կատարէ
Դիւանագիտական աղբիւրներ ԱՖՓ լրատու գործակալութեան յայտնեցին, որ ՄԱԿ-ի Ապահովութեան խորհուրդը այսօր պիտի քուէարկէ ամերիկեան նախագիծին, որ կը զօրակցի Կազայի մէջ խաղաղութեան վերաբերեալ Միացեալ Նահանգներու նախագահ Տանըլտ Թրամփի ծրագիրին:
Քանի մը անգամ բարեփոխման ենթարկուած ծրագիրը կ՛առաջարկէ մինչեւ 2027 թուականի աւարտը լիազօրել կազմուելիք «Խաղաղութեան խորհուրդ»-ը, որ Կազայի կառավարման փոխանցման մարմին մըն է, որուն նախագահը տեսականօրէն Թրամփն է:
Նախագիծը նաեւ կ՛առաջարկէ Կազայի մէջ «կայունութեան միջազգային ժամանակաւոր ուժ» տեղակայել:
Մինչ այդ, իսրայէլեան աղբիւրներ «Հատաս»-ին յայտնեցին. «Միջազգային ուժին շուրջ տարակարծութեան պատճառով Թրամփի Կազայի վերաբերող ծրագիրի երկրորդ փուլ անցումը սառեցուած է»:
Աղբիւրը` Ազդակ
Շնորհակալութիւն յօդուածը ընթերցելուն համար։ Եթէ կը փափաքիս թարմ լուրեր ստանալ կը հրաւիրենք բաժանորդագրուիլ մեր լրաթերթին` սեղմելով այստեղ
