ವಲಸೆ ಸಮಸ್ಯೆಯನ್ನು ಪರಿಹರಿಸಲು ಅಮೆರಿಕ-ಮೆಕ್ಸಿಕೋ ಗಡಿಯಲ್ಲಿ ಧರ್ಮಸಭೆಯ ನಾಯಕರ ಸಭೆ

ಲೂಯಿಸ್ ಡೊನಾಲ್ಡೊ ಗೊನ್ಜಾಲೆಜ್ - ಟಿಜುವಾನಾ, ಮೆಕ್ಸಿಕೋ

2025ರ ವ್ಯಾಟಿಕನ್‌ನ ವಲಸಿಗರ ಜ್ಯೂಬಿಲಿಯ ನಂತರ, ಅಮೆರಿಕದಲ್ಲಿ ವಲಸೆ ಮತ್ತು ಗಡಿಗಳ ಕುರಿತು ಕ್ಯಾಥೋಲಿಕ್ ಥಿಯೋಲಾಜಿಕಲ್ ಎಥಿಕ್ಸ್ ಇನ್ ದಿ ವರ್ಲ್ಡ್ ಚರ್ಚ್ (CTEWC) ವರ್ಚುವಲ್ ಟೇಬಲ್‌ನ ಸದಸ್ಯರು, ಯೂನಿವರ್ಸಿಡಾಡ್ ಐಬೆರೊಅಮೆರಿಕಾನಾ ಅಥವಾ ಐಬೆರೊ ಸಹಯೋಗದೊಂದಿಗೆ, "ಕ್ರೈಸ್ತರ ದೃಷ್ಟಿಕೋನದಿಂದ ಮೆಕ್ಸಿಕೊ ಮತ್ತು ಅಮೇರಿಕದ ಹೊಸ ರಾಜಕೀಯ ದಿಗಂತಗಳ ಮುಖಾಂತರ ಮಾನವ ಚಲನಶೀಲತೆಯ ಸವಾಲುಗಳು" ಎಂಬ ಶೀರ್ಷಿಕೆಯ ವಲಸೆ ಮತ್ತು ದೈವಶಾಸ್ತ್ರದ ಕುರಿತು ಅಂತರರಾಷ್ಟ್ರೀಯ ಆಡುಮಾತಿನ ಸಭೆಯನ್ನು ನಡೆಸಿದರು.

"ಕ್ರೈಸ್ತೀಯ ಪ್ರೀತಿಯು ಕೇವಲ ಮಾನವೀಯ ನೆರವು ಮತ್ತು ಆತಿಥ್ಯವನ್ನು ಮಾತ್ರವಲ್ಲದೆ, ಕ್ರೂರ ಅಭ್ಯಾಸಗಳು ಮತ್ತು ಅಮಾನವೀಯ ನೀತಿಗಳನ್ನು ಗುರುತಿಸುವ ಅನ್ಯಾಯಗಳಿಂದ ವಿಮೋಚನೆಯನ್ನು ಬಯಸುತ್ತದೆ" ಎಂದು ವಿಶ್ವ ಕಥೋಲಿಕ ಧರ್ಮಸಭೆಯಯ ಮತ್ತು ಸಮಾಜಕ್ಕೆ ನೆನಪಿಸುವುದು ಕೊಲೊಕ್ವಿಯಂನ ಪ್ರಮುಖ ಗುರಿಗಳಲ್ಲಿ ಒಂದಾಗಿತ್ತು, ಎಂದು CTEWC ಯ ಸಹ-ಅಧ್ಯಕ್ಷೆ ಮತ್ತು ಬೋಸ್ಟನ್ ಕಾಲೇಜಿನ ಪ್ರಾಧ್ಯಾಪಕರಾದ ಅಮೇರಿಕನ್ ದೈವಶಾಸ್ತ್ರಜ್ಞ ಕ್ರಿಸ್ಟಿನ್ ಹೇಯರ್ ರವರು ಹೇಳಿದರು.

ಅಕ್ಟೋಬರ್ 9 - 11ರಂದು ನಡೆದ ಈ ಅಂತರರಾಷ್ಟ್ರೀಯ ಸಮ್ಮೇಳನವು, ಮೆಕ್ಸಿಕೋದ ಟಿಜುವಾನಾದಲ್ಲಿ ಸುಮಾರು 40 ಧರ್ಮಾಧ್ಯಕ್ಷರುಗಳು, ವಿದ್ವಾಂಸರು, ಲೋಕೋಪಕಾರಿಗಳು ಮತ್ತು ಪಾಲನಾ ಸೇವಾಕಾರ್ಯಗಳನ್ನು ಒಟ್ಟುಗೂಡಿಸಿತು. ಇದು ಅಮೇರಿಕದ ಮತ್ತು ಮೆಕ್ಸಿಕನ್ ಸಾಮಾಜಿಕ ವಾಸ್ತವಗಳು ಮತ್ತು ಸಂಸ್ಕೃತಿಗಳು ಭೇಟಿಯಾಗುವ ಗಡಿ ನಗರಗಳಲ್ಲಿ ಒಂದಾಗಿದೆ ಮತ್ತು ಲೋಹದ ಬೇಲಿ ಅಥವಾ ಗೋಡೆಯಿಂದ ವಿಭಜಿಸಲ್ಪಟ್ಟಿದೆ. ಇದು ಈಗ ಬಲವಾದ ವಲಸೆ-ವಿರೋಧಿ ಮತ್ತು ರಾಜಕೀಯ ನಿರೂಪಣೆಗಳಿಂದ ಕೂಡಿದೆ.

ಈ ಮೂರು ದಿನಗಳ ಕಾರ್ಯಕ್ರಮದಲ್ಲಿ, ಮಾನವ ಹೃದಯದ ದುರ್ಬಲತೆಯನ್ನು ತೋರಿಸುವ ಅನುಭವಾತ್ಮಕ ಸಂವಾದವನ್ನು ನಿಜವಾಗಿಯೂ ಹುಟ್ಟುಹಾಕಲು ನಾವು ಶೈಕ್ಷಣಿಕ-ಪಾಲನಾ ಸೇವಾಕಾರ್ಯವು ಕೊಲೊಕ್ವಿಯಂನ ಹೊಸ ಮಾದರಿಯನ್ನು ಪ್ರಸ್ತಾಪಿಸಿದ್ದೇವೆ. ಈ ಮಾದರಿಯು ಪ್ರಪಂಚದಾದ್ಯಂತ, ವಿಶೇಷವಾಗಿ ಮೆಕ್ಸಿಕೊ ಮತ್ತು ಅಮೇರಿಕದಲ್ಲಿ ನಡೆಯುತ್ತಿರುವ ಮಾನವೀಯ ಬಿಕ್ಕಟ್ಟಿಗೆ ಪ್ರತಿಕ್ರಿಯಿಸಲು ಸಹಾಯ ಮಾಡುತ್ತದೆ.

ಎಂಟು ವಿಭಿನ್ನ ದೇಶಗಳಿಂದ ಬಂದ ಹಾಜರಿದ್ದವರಲ್ಲಿ ಮೆಕ್ಸಿಕೊ ಧರ್ಮಾಧ್ಯಕ್ಷರು ಮಾನವ ಚಲನಶೀಲತಾ ಸಚಿವಾಲಯದ ಮುಖ್ಯಸ್ಥ ಮತ್ತು ಮಟಮೊರೊಸ್-ರೇನೋಸಾದ ಬಿಪಿ ಯುಜೆನಿಯೊ ಲಿರಾ ರುಗಾರ್ಸಿಯಾ; ಮೆಕ್ಸಿಕನ್ ದೈವಶಾಸ್ತ್ರಜ್ಞ ಜುಟ್ಟಾ ಬ್ಯಾಟೆನ್‌ಬರ್ಗ್ ಗಲಿಂಡೋ; ಲಾಸ್ ಪ್ಯಾಟ್ರೋನಾಸ್‌ನ ಸ್ಥಾಪಕಿ ಶ್ರೀಮತಿ ನಾರ್ಮಾ ರೊಮೆರೊ; CTEWC ಯ ಲತೀನ್ ಅಮೇರಿಕದ ಸಂಯೋಜಕ ಅರ್ಜೆಂಟೀನಾದ ದೈವಶಾಸ್ತ್ರಜ್ಞ ಪ್ಯಾಬ್ಲೊ ಬ್ಲಾಂಕೊ; ಮೆಕ್ಸಿಕನ್ ಜೆಸ್ಯೂಟ್ ಮತ್ತು ಬೋಸ್ಟನ್ ಕಾಲೇಜಿನ ಪ್ರಾಧ್ಯಾಪಕ ಅಲೆಜಾಂಡ್ರೊ ಒಲಾಯೊ-ಮೆಂಡೆಜ್; ಮತ್ತು ಮೆಕ್ಸಿಕನ್-ಅಮೇರಿಕನದ ದೈವಶಾಸ್ತ್ರಜ್ಞ ಮತ್ತು ಸ್ಯಾನ್ ಡಿಯಾಗೋ ವಿಶ್ವವಿದ್ಯಾಲಯದ ಪ್ರಾಧ್ಯಾಪಕ ವಿಕ್ಟರ್ ಕಾರ್ಮೋನಾರವರು ಸೇರಿದ್ದಾರೆ.