ಹಾಂಗ್'ಕಾಂಗ್ ಅಗ್ನಿ ಅವಘಡದ ಸಂತ್ರಸ್ಥರಿಗಾಗಿ ಪ್ರಾರ್ಥಿಸಿದ ಪೋಪ್ ಲಿಯೋ XIV
ವರದಿ: ವ್ಯಾಟಿಕನ್ ನ್ಯೂಸ್
ಹಾಂಗ್ ಕಾಂಗ್ನ ಬಿಷಪ್ ಅವರನ್ನು ಉದ್ದೇಶಿಸಿ ಬರೆದ ಟೆಲಿಗ್ರಾಮ್ ಸಂದೇಶದಲ್ಲಿ ಪೋಪ್ ಲಿಯೋ XIV, ನಗರದ ತೈ ಪೋ ಜಿಲ್ಲೆಯ ಅಪಾರ್ಟ್ಮೆಂಟ್ ಸಂಕೀರ್ಣದಲ್ಲಿ ಸಂಭವಿಸಿದ ವಿನಾಶಕಾರಿ ಬೆಂಕಿಯ ಅವಘಡದ ಸಂತ್ರಸ್ಥರಿಗಾಗಿ ಪ್ರಾರ್ಥಿಸುತ್ತಿರುವುದಾಗಿ ಹೇಳಿದ್ದಾರೆ.
"ಈ ವಿಪತ್ತಿನ ಪರಿಣಾಮಗಳಿಂದ ಬಳಲುತ್ತಿರುವ ಎಲ್ಲರಿಗೂ, ವಿಶೇಷವಾಗಿ ಗಾಯಗೊಂಡವರಿಗೆ ಮತ್ತು ದುಃಖಿಸುತ್ತಿರುವ ಕುಟುಂಬಗಳಿಗೆ ತಮ್ಮ ಆಧ್ಯಾತ್ಮಿಕ ಒಗ್ಗಟ್ಟಿನ ಭರವಸೆಯನ್ನು ಕಳುಹಿಸುತ್ತೇನೆ" ಎಂದು ಪೋಪ್ ಹೇಳಿದರು.
"ಅಂತೆಯೇ," ಪೋಪ್ ಮುಂದುವರಿಸಿದರು, "ಮೃತರ ಆತ್ಮಗಳಿಗೆ ಸರ್ವಶಕ್ತನ ಪ್ರೀತಿಯ ಕರುಣೆಯನ್ನು ಅರ್ಪಿಸುತ್ತೇನೆ ಮತ್ತು ವೈದ್ಯಕೀಯ ನೆರವು ನೀಡುವುದನ್ನು ಮತ್ತು ಇನ್ನೂ ಕಾಣೆಯಾದವರನ್ನು ಹುಡುಕುವುದನ್ನು ಮುಂದುವರಿಸುವ ತುರ್ತು ಸಿಬ್ಬಂದಿಗಾಗಿ ಪ್ರಾರ್ಥನೆ ಸಲ್ಲಿಸುತ್ತೇನೆ."
ಹಾಂಗ್ ಕಾಂಗ್ನಲ್ಲಿ ಬುಧವಾರ ಬಹುಮಹಡಿ ಸಾರ್ವಜನಿಕ ವಸತಿ ಸಮುಚ್ಚಯದಲ್ಲಿ ಸಂಭವಿಸಿದ ಬೆಂಕಿಯಲ್ಲಿ ಕನಿಷ್ಠ 55 ಜನರು ಸಾವನ್ನಪ್ಪಿದ್ದಾರೆ ಮತ್ತು ಸುಮಾರು 300 ಜನರು ಕಾಣೆಯಾಗಿದ್ದಾರೆ.
