ಜಗದ್ಗುರು XIVನೇ ಲಿಯೋರವರ ಇಟಲಿಯ ಧರ್ಮಾಧ್ಯಕ್ಷರ ಪ್ರವಾಸ: ಪಾಂಪೇಯಿ, ನಾಪಲ್ಸ್ ಮತ್ತು ಲಾಂಪೆಡುಸಾ ಭೇಟಿಗೆ ಸಿದ್ಧತೆ
ವ್ಯಾಟಿಕನ್ ವರದಿ
ಜಗದ್ಗುರುಗಳ ಹೌಸ್ಹೋಲ್ಡ್ ಪ್ರಿಫೆಕ್ಚರ್ ಪ್ರಕಟಿಸಿದ ವೇಳಾಪಟ್ಟಿಯ ಪ್ರಕಾರ, ಜಗದ್ಗುರು XIVನೇ ಲಿಯೋರವರು 2026ರಲ್ಲಿ ಇಟಲಿಯ ವಿವಿಧ ನಗರಗಳಿಗೆ ಧರ್ಮಾಧ್ಯಕ್ಷರ ಭೇಟಿಗಳನ್ನು ಕೈಗೊಳ್ಳಲಿದ್ದಾರೆ. ಮೇ, ಜೂನ್, ಜುಲೈ ಮತ್ತು ಆಗಸ್ಟ್ ತಿಂಗಳುಗಳಲ್ಲಿ ಪ್ರಾರ್ಥನೆ, ಸಭೆಗಳು ಮತ್ತು ಜನರೊಂದಿಗೆ ಭೇಟಿಗಳು ನಡೆಯಲಿವೆ. ಮೇ 8ರಂದು ಅವರ ಜಗದ್ಗುರುಗಳ ಆಯ್ಕೆಯ ಮೊದಲ ವರ್ಷದ ಸಂಭ್ರಮದ ಅಂಗವಾಗಿ ಈ ಪ್ರವಾಸ ಪ್ರಾರಂಭವಾಗಲಿದೆ.
ಮೇ 8ರಂದು ಜಗದ್ಗುರುಗಳು ಪಾಂಪೇಯಿ ನಗರಕ್ಕೆ ಭೇಟಿ ನೀಡಿ ಪೊಂಪೈನ ಪವಿತ್ರ ಜಪಮಾಲೆ ಪೂಜ್ಯ ಕನ್ಯಾ ಮರಿಯಮ್ಮನವರ ದೇವಾಲಯದಲ್ಲಿ ದಿನವಿಡೀ ಪ್ರಾರ್ಥನೆ ನಡೆಸಲಿದ್ದಾರೆ. ಬಳಿಕ ಅವರು ನಾಪಲ್ಸ್ಗೆ ತೆರಳಿ ಅಲ್ಲಿ ಯಾಜಕರು ಮತ್ತು ಧಾರ್ಮಿಕರೊಂದಿಗೆ ಭೇಟಿಯಾಗುವ ಜೊತೆಗೆ ಸಾರ್ವಜನಿಕ ಸಮಾವೇಶದಲ್ಲೂ ಭಾಗವಹಿಸಲಿದ್ದಾರೆ. ಈ ಪವಿತ್ರ ಕ್ಷೇತ್ರವನ್ನು ಬಾರ್ಟೊಲೊ ಲಾಂಗೊ ಸ್ಥಾಪಿಸಿದ್ದರು.
ಕೆಲವು ವಾರಗಳ ಬಳಿಕ ಜಗದ್ಗುರು ಲಿಯೋರವರು ಏಚೆರ್ರಾ ನಗರಕ್ಕೆ ಭೇಟಿ ನೀಡಲಿದ್ದಾರೆ. ಇದು ದೀರ್ಘಕಾಲದಿಂದ ವಿಷಕಾರಿ ತ್ಯಾಜ್ಯ ಸಮಸ್ಯೆಯಿಂದ ಬಳಲುತ್ತಿರುವ “ಲ್ಯಾಂಡ್ ಆಫ್ ಫೈರ್ಸ್” ಪ್ರದೇಶದ ಭಾಗವಾಗಿದೆ. 2020ರಲ್ಲಿ ಜಗದ್ಗುರು ಫ್ರಾನ್ಸಿಸ್ ರವರು ಯೋಜಿಸಿದ್ದ ಭೇಟಿ ಕೋವಿಡ್ ಕಾರಣದಿಂದ ನೆರವೇರದಿದ್ದ ಹಿನ್ನೆಲೆಯಲ್ಲಿ, ಈ ಭೇಟಿ ವಿಶೇಷ ಮಹತ್ವ ಪಡೆದಿದೆ.
ಜೂನ್ 20ರಂದು ಅವರು ಪಾವಿಯಾ ನಗರಕ್ಕೆ ತೆರಳಿ ಹಿಪ್ಪೋನ ಆಗಸ್ಟಿನ್ ರವರ ಸಮಾಧಿಯಿರುವ ಬಸಿಲಿಕಾವನ್ನು ಸಂದರ್ಶಿಸಲಿದ್ದಾರೆ. ತಮಗೆ “ಸಂತ ಆಗಸ್ಟಿನ್ ರವರ ಪುತ್ರ” ಎಂದು ಹೇಳಿಕೊಳ್ಳುವ ಜಗದ್ಗುರು ಲಿಯೋರವರಿಗೆ ಈ ಭೇಟಿ ಆತ್ಮೀಯ ಮಹತ್ವದ್ದಾಗಿದೆ.
ಜುಲೈ 4ರಂದು ಅವರು ವಲಸಿಗರ ಪ್ರವೇಶದ್ವಾರವಾದ ಲಾಂಪೆಡುಸಾ ದ್ವೀಪಕ್ಕೆ ಭೇಟಿ ನೀಡಲಿದ್ದಾರೆ. 2013ರಲ್ಲಿ ಇದೇ ದ್ವೀಪಕ್ಕೆ ಭೇಟಿ ನೀಡಿದ್ದ ಜಗದ್ಗುರು ಫ್ರಾನ್ಸಿಸ್ ರವರ ಹೆಜ್ಜೆಗುರುತುಗಳನ್ನು ಅನುಸರಿಸಿ, ಜಗದ್ಗುರು ಲಿಯೋರವರು ವಲಸಿಗರನ್ನು ಪ್ರೋತ್ಸಾಹಿಸಲಿದ್ದಾರೆ.
ಆಗಸ್ಟ್ನಲ್ಲಿ ಅವರು ಅಸ್ಸಿಸಿ ನಗರಕ್ಕೆ ಭೇಟಿ ನೀಡಿ ಸಂತ ಫ್ರಾನ್ಸಿಸ್ ರವರ 800ನೇ ವರ್ಷದ ಸ್ಮರಣಾರ್ಥ ಕಾರ್ಯಕ್ರಮಗಳಲ್ಲಿ ಭಾಗವಹಿಸಲಿದ್ದಾರೆ. ಕೊನೆಗೆ, ರಿಮಿನಿ ನಗರದಲ್ಲಿ ನಡೆಯುವ “ಮೀಟಿಂಗ್ ಫಾರ್ ಫ್ರೆಂಡ್ಶಿಪ್ ಅಮಂಗ್ ಪೀಪಲ್ಸ್” ಕಾರ್ಯಕ್ರಮದಲ್ಲಿ ಪಾಲ್ಗೊಂಡು ಭಕ್ತರೊಂದಿಗೆ ಪವಿತ್ರ ಬಲಿಪೂಜೆಯನ್ನು ನೆರವೇರಿಸುವ ಮೂಲಕ ತಮ್ಮ ಇಟಲಿ ಧರ್ಮಾಧ್ಯಕ್ಷರ ಪ್ರವಾಸವನ್ನು ಸಮಾಪ್ತಿಗೊಳಿಸಲಿದ್ದಾರೆ.
