ಜಗದ್ಗುರುಗಳ ಅಂತರರಾಷ್ಟ್ರೀಯ ಮರಿಯಮ್ಮನವರ ಅಕಾಡೆಮಿಯ ನಿಯಮಾವಳಿಯನ್ನು ನವೀಕರಿಸುವ ಹೊಸ ವಿಧಿಗೆ ಜಗದ್ಗುರುಗಳು ಅನುಮೋದನೆ ನೀಡಿದ್ದಾರೆ.

ವ್ಯಾಟಿಕನ್ ವರದಿ

ಜಗದ್ಗುರು XIVನೇ ಲಿಯೋರವರು ವ್ಯಾಟಿಕನ್ ರಾಜ್ಯ ಕಾರ್ಯದರ್ಶಾಲಯದ ಸಾಮಾನ್ಯ ವ್ಯವಹಾರಗಳ ಪರ್ಯಾಯಾಧಿಕಾರಿಯಾದ ಮಹಾಧರ್ಮಾಧ್ಯಕ್ಷ ಎಡ್ಗರ್ ಪೇನ್ಯಾ ಪಾರ್ರಾರವರೊಂದಿಗೆ ನಡೆದ ಸಭೆಯಲ್ಲಿ, ಜಗದ್ಗುರುಗಳ ಅಂತರರಾಷ್ಟ್ರೀಯ ಮರಿಯಮ್ಮನವರ ಅಕಾಡೆಮಿಯ ಹೊಸ ನಿಯಮಾವಳಿಗೆ ಅನುಮೋದನೆ ನೀಡಿದರು. ಫೆಬ್ರವರಿ 7ರಂದು ಜಗದ್ಗುರುಗಳ ಅಧಿಕಾರ ಸ್ಥಳವು ಪ್ರಕಟಿಸಿದ ಶಾಸನ ಪತ್ರದ ಪ್ರಕಾರ, ಅಕಾಡೆಮಿಯ ಮಾರ್ಗಸೂಚಿಗಳನ್ನು ಅದರ ಬದಲಾಗುತ್ತಿರುವ ಧ್ಯೇಯ ಹಾಗೂ ಪ್ರಸ್ತುತ ಧರ್ಮ ಪ್ರಾಂತ್ಯದ ಸಂಸ್ಥೆಗಳ ರಚನೆಗೆ ಹೆಚ್ಚು ಹೊಂದಿಕೆಯಾಗುವಂತೆ ನವೀಕರಿಸುವ ಅಗತ್ಯವನ್ನು ಈ ನಿಯಮಗಳು ಗುರುತಿಸುತ್ತವೆ.

ಜಗದ್ಗುರು ಫ್ರಾನ್ಸಿಸ್ ರವರು 2019 ಡಿಸೆಂಬರ್ 4ರಂದು ಜಗದ್ಗುರುಗಳ ಅಕಾಡೆಮಿಗಳಿಗೆ ನೀಡಿದ ಸಂದೇಶದಲ್ಲಿ, ಜಗದ್ಗುರುಗಳ ಅಂತರರಾಷ್ಟ್ರೀಯ ಮರಿಯಮ್ಮನವರ ಅಕಾಡೆಮಿ ಧರ್ಮ ಸಭೆ ವಿಶ್ವವ್ಯಾಪಿ ಜಗದ್ಗುರುಗಳ ಅಧಿಕೃತ ಉಪದೇಶ ಮರಿಯಮ್ಮನವರ ಅಧ್ಯಯನಗಳ ಸಂಶೋಧನೆ ಮತ್ತು ಸಂಯೋಜನೆಯ ಮೂಲಕ ಬೆಂಬಲ ನೀಡುತ್ತ ಬಂದಿದೆ ಎಂದು ಹೇಳಿದ್ದರು. ವಿವಿಧ ಶೈಕ್ಷಣಿಕ ಸಂಸ್ಥೆಗಳ ಸಹಕಾರದ ಮೂಲಕ ಕಾರ್ಯನಿರ್ವಹಿಸುವ ಈ ಅಕಾಡೆಮಿ, ಮಾತೆ ಮರಿಯಮ್ಮನವರ ಶಾಸ್ತ್ರ ಸಂಸ್ಕೃತಿಗಳ ನಡುವಿನ ಸಂವಾದಕ್ಕೆ ಅಗತ್ಯವಾದ ಶೈಕ್ಷಣಿಕ ಕ್ಷೇತ್ರವಾಗಿದ್ದು, ಸಹೋದರತ್ವ ಮತ್ತು ಶಾಂತಿಯನ್ನು ಪೋಷಿಸುವ ಶಕ್ತಿಯನ್ನು ಹೊಂದಿದೆ ಎಂಬುದಕ್ಕೆ ಸ್ಪಷ್ಟ ಸಾಕ್ಷಿಯಾಗಿದೆ.

ಈ ಅಕಾಡೆಮಿಯನ್ನು 1946ರಲ್ಲಿ ಫ್ರೈಯರ್ಸ್ ಮೈನರ್ ಸಮುದಾಯವು ಫ್ರಾನ್ಸಿಸ್ಕನ್ ಮರಿಯಮ್ಮನವರ ಆಯೋಗದ ಸಹಯೋಗದಲ್ಲಿ ಸ್ಥಾಪಿಸಿತು. ಇದರ ಉದ್ದೇಶ ಆ ಸಮುದಾಯದ ಒಳಗೆ ಮರಿಯಮ್ಮನವರ ಅಧ್ಯಯನಗಳು ಮತ್ತು ಭಕ್ತಿಯನ್ನು ಸಂಘಟಿಸುವುದಾಗಿತ್ತು. ಸಂಸ್ಥೆಯ ಸ್ಥಾಪನೆಗೆ ಪ್ರೇರಣೆಯಾದ ಫಾ. ಕಾರ್ಲೊ ಬಾಲಿಚ್ ರವರ ನೇತೃತ್ವದಲ್ಲಿ ಈ ಅಕಾಡೆಮಿ ಕಾರ್ಯನಿರ್ವಹಿಸಿತು ಅವರು ಆ ಕಾಲದಲ್ಲಿ ಜಗದ್ಗುರುಗಳ ಆಂಟೋನಿಯಾನಂ ವಿಶ್ವವಿದ್ಯಾಲಯದ ಕುಲಪತಿಯಾಗಿಯೂ ಮಾತೆ ಮರಿಯಮ್ಮನವರ ಶಾಸ್ತ್ರದ ಪೀಠದ ಮುಖ್ಯಸ್ಥರಾಗಿಯೂ ಸೇವೆ ಸಲ್ಲಿಸುತ್ತಿದ್ದರು.

1950ರಿಂದ ಜಗದ್ಗುರುಗಳ ಅಧಿಕಾರ ಸ್ಥಳದ ಅಕಾಡೆಮಿಗೆ ಅಂತರರಾಷ್ಟ್ರೀಯ ಮಾತೆ ಮರಿಯಮ್ಮನವರ ಶಾಸ್ತ್ರ ಮರಿಯಮ್ಮನವರ ಕಾಂಗ್ರೆಸ್ ಗಳನ್ನು ಆಯೋಜಿಸುವ ಜವಾಬ್ದಾರಿಯನ್ನು ನೀಡಿತು. 1959 ಡಿಸೆಂಬರ್ 8ರಂದು ಜಗದ್ಗುರುಗಳು ಸಂತ  XXIII ನೇ ಜಾನ್ ರವರು ಮೈಯೋರಾ ಇನ್ ಡೈಸ್ ಎಂಬ ಮೋಟು ಪ್ರೊಪ್ರಿಯೊ ಮೂಲಕ ಮರಿಯಮ್ಮನವರ ಸಿದ್ಧಾಂತ ಮತ್ತು ಭಕ್ತಿಯ ಪ್ರಗತಿಗೆ ಅಕಾಡೆಮಿಯ ಕೊಡುಗೆಯನ್ನು ಗುರುತಿಸಿ, ಅದರ ಹೆಸರಿಗೆ “ಪಾಂಟಿಫಿಕಲ್” ಎಂಬ ಪದವನ್ನು ಸೇರಿಸಿದರು. ಇದರೊಂದಿಗೆ ಜಾಗತಿಕ ಮಟ್ಟದಲ್ಲಿ ಮರಿಯಮ್ಮನವರ ಶಾಸ್ತ್ರ ಪಂಡಿತರ ಸಭೆಗಳನ್ನು ಸಂಯೋಜಿಸುವುದು ಹಾಗೂ ಪವಿತ್ರ ಕನ್ಯಾ ಮರಿಯಮ್ಮನವರ ಕುರಿತು ಅಧ್ಯಯನಗಳನ್ನು ಉತ್ತೇಜಿಸುವ ಜವಾಬ್ದಾರಿಯನ್ನೂ ನೀಡಲಾಯಿತು.

ಕಾಲಕ್ರಮೇಣ, ಜಗದ್ಗುರುಗಳ ಅಂತರರಾಷ್ಟ್ರೀಯ ಮರಿಯಮ್ಮನವರ ಅಕಾಡೆಮಿ ಧರ್ಮ ಸಭೆಯ ವಿವಿಧ ಸಂಸ್ಥೆಗಳೊಂದಿಗೆ ಏಕೀಕೃತಗೊಂಡಿತು. 1972ರಲ್ಲಿ ಇದನ್ನು ಅಧಿಕೃತವಾಗಿ ಜಗದ್ಗುರುಗಳ ಆಂಟೋನಿಯಾನಂ ವಿಶ್ವವಿದ್ಯಾಲಯದೊಂದಿಗೆ ಮರಿಯಮ್ಮನವರ ಶಾಸ್ತ್ರ ಕ್ಷೇತ್ರದ ವಿಶೇಷ ಸಂಸ್ಥೆಯಾಗಿ ಸೇರಿಸಲಾಯಿತು. ನಂತರ ಪ್ರೆಡಿಕೇಟ್ ಎವಾಂಜಲಿಂ ಪ್ರೇಷಿತರ ಸಂವಿಧಾನದೊಂದಿಗೆ ಇದರ ಮೇಲ್ವಿಚಾರಣೆ ಸಂಸ್ಕೃತಿ ಮತ್ತು ಶಿಕ್ಷಣ ಡಿಕಾಸ್ಟರಿಯ ಅಧೀನಕ್ಕೆ ಬಂತು. ಈ ಮೂಲಕ ಅಕಾಡೆಮಿ ಇಂದು ಧರ್ಮ ಸಭೆಯ ಶೈಕ್ಷಣಿಕ ಮತ್ತು ಆತ್ಮೀಯ ಸೇವೆಯಲ್ಲಿ ಮಹತ್ವದ ಪಾತ್ರವನ್ನು ಮುಂದುವರಿಸುತ್ತಿದೆ.