ಜಗದ್ಗುರು XIVನೇ ಲಿಯೋರವರು ಈ ವರ್ಷದ ಸೆಪ್ಟೆಂಬರ್ನಲ್ಲಿ ಫ್ರಾನ್ಸ್ಗೆ ಭೇಟಿ ನೀಡಲಿದ್ದಾರೆ.
ವ್ಯಾಟಿಕನ್ ವರದಿ
ಜಗದ್ಗುರು XIVನೇ ಲಿಯೋರವರು 2026ರ ಸೆಪ್ಟೆಂಬರ್ 25ರಿಂದ 28ರವರೆಗೆ ಫ್ರಾನ್ಸ್ಗೆ ಪ್ರೇಷಿತರ ಪ್ರವಾಸ ಕೈಗೊಳ್ಳಲಿದ್ದಾರೆ ಎಂದು ಜಗದ್ಗುರುಗಳ ಅಧಿಕಾರ ಸ್ಥಳದ ಪತ್ರಿಕಾ ಕಚೇರಿಯ ನಿರ್ದೇಶಕರು ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.
ಈ ಭೇಟಿ, 2008ರಲ್ಲಿ ಜಗದ್ಗುರು XVIನೇ ಬೆನೆಡಿಕ್ಟ್ ರವರು ಪ್ಯಾರಿಸ್ ಮತ್ತು ಲೂರ್ಡ್ಸ್ಗೆ ಭೇಟಿ ನೀಡಿದ ನಂತರ, ಫ್ರಾನ್ಸ್ಗೆ ನಡೆಯುತ್ತಿರುವ ಮೊದಲ ಅಧಿಕೃತ ಜಗದ್ಗುರುಗಳ ರಾಜ್ಯ ಭೇಟಿ ಆಗಲಿದೆ.
ಪತ್ರಿಕಾ ಕಚೇರಿಯ ಪ್ರಕಟಣೆಯ ಪ್ರಕಾರ, ಫ್ರಾನ್ಸ್ನ ರಾಷ್ಟ್ರಪತಿ, ದೇಶದ ಧಾರ್ಮಿಕ ಅಧಿಕಾರಿಗಳು ಹಾಗೂ ಯುನೆಸ್ಕೋ ಮಹಾನಿರ್ದೇಶಕರ ಆಹ್ವಾನಕ್ಕೆ ಪ್ರತಿಕ್ರಿಯೆಯಾಗಿ ಈ ಪ್ರವಾಸ ಆಯೋಜಿಸಲಾಗಿದೆ.
ಈ ಪ್ರೇಷಿತರ ಪ್ರವಾಸದ ವೇಳೆ ಜಗದ್ಗುರುಗಳು ಯುನೆಸ್ಕೋ ಕೇಂದ್ರ ಕಚೇರಿಗೂ ಭೇಟಿ ನೀಡಲಿದ್ದಾರೆ.
ವ್ಯಾಟಿಕನ್–ಫ್ರಾನ್ಸ್ ಸಂಬಂಧಗಳು
ಜಗದ್ಗುರು XIVನೇ ಲಿಯೋರವರು ಮತ್ತು ಇಮ್ಯಾನುಯೆಲ್ ಮ್ಯಾಕ್ರನ್ ರವರು ಏಪ್ರಿಲ್ 10ರಂದು, ಜಗದ್ಗುರುಗಳನ್ನು ಸಂತ ಪೇತ್ರನ ಉತ್ತರಾಧಿಕಾರಿಯಾಗಿ ಆಯ್ಕೆ ಮಾಡಿದ ಬಳಿಕ ಮೊದಲ ಬಾರಿಗೆ ಭೇಟಿಯಾದರು.
ಆದರೆ, ಇದು ಫ್ರಾನ್ಸ್ ಅಧ್ಯಕ್ಷರ ಮೊದಲ ಜಗದ್ಗುರುಗಳು ಭೇಟಿಯಾಗಿರಲಿಲ್ಲ. 2017ರಲ್ಲಿ ಆಯ್ಕೆಯಾದ ನಂತರದಿಂದ, ಅಧ್ಯಕ್ಷ ಮ್ಯಾಕ್ರೋನ್ ಹಲವಾರು ಬಾರಿ ವ್ಯಾಟಿಕನ್ಗೆ ಭೇಟಿ ನೀಡಿದ್ದು, 2018, 2021 ಮತ್ತು 2022ರಲ್ಲಿ ಜಗದ್ಗುರು ಫ್ರಾನ್ಸಿಸ್ ರವರು ಅವರನ್ನು ಸ್ವಾಗತಿಸಿದ್ದರು.
ಇವರಿಬ್ಬರೂ 2023ರ ಸೆಪ್ಟೆಂಬರ್ನಲ್ಲಿ ಮಾರ್ಸೈಲ್ನಲ್ಲಿ ನಡೆದ ಖಾಸಗಿ ಮಾತುಕತೆಯ ವೇಳೆ, 2024ರ ಜೂನ್ನಲ್ಲಿ ಬೋರ್ಗೊ ಎಗ್ನಾಜಿಯಾದಲ್ಲಿ ನಡೆದ ಜಿ7 ಶೃಂಗಸಭೆಯಲ್ಲಿ, ಹಾಗೂ ನಂತರ 2024ರ ಡಿಸೆಂಬರ್ನಲ್ಲಿ ಅಜಾಕ್ಸಿಯೊದಲ್ಲಿ ಮತ್ತೊಮ್ಮೆ ಭೇಟಿಯಾದರು.
