ಕಾರ್ಡಿನಲ್ ಲೂಸಿಯನ್ ಮುರೇಸನ್ ರವರ ನಿಧನ
ವ್ಯಾಟಿಕನ್ ಸುದ್ದಿ
ಲೂಸಿಯಾನ್ ಮುರೇಸನ್ 1931ರ ಮೇ 23ರಂದು ಟ್ರಾನ್ಸಿಲ್ವೇನಿಯಾದಲ್ಲಿ ಹನ್ನೆರಡು ಮಕ್ಕಳ ಕುಟುಂಬದಲ್ಲಿ ಜನಿಸಿದರು. 1948ರಲ್ಲಿ ಕಮ್ಯುನಿಸ್ಟ್ ಆಡಳಿತವು ಗ್ರೀಕ್-ಕಥೋಲಿಕ ಧರ್ಮಸಭೆಯನ್ನು ರದ್ದುಗೊಳಿಸಿದಾಗ, ಅವರು ತಮ್ಮ ಪ್ರೌಢಶಾಲಾ ಅಧ್ಯಯನವನ್ನು ತ್ಯಜಿಸಿ ಬಡಗಿಯಾಗಿ ತರಬೇತಿ ಪಡೆಯಬೇಕಾಯಿತು ಮತ್ತು ಖಾಸಗಿಯಾಗಿ ಶಿಕ್ಷಣವನ್ನು ಮುಂದುವರಿಸಬೇಕಾಯಿತು. ಗ್ರೀಕ್-ಕಥೊಲಿಕರಾಗಿ "ಅನಪೇಕ್ಷಿತ" ಎಂದು ಘೋಷಿಸಲ್ಪಟ್ಟರವರನ್ನು ರೊಮೇನಿಯಾದ ಮೊದಲ ಜಲವಿದ್ಯುತ್ ಸ್ಥಾವರದ ನಿರ್ಮಾಣ ಸ್ಥಳದಲ್ಲಿ ಕೆಲಸ ಮಾಡಲು ಕಳುಹಿಸಲಾಯಿತು.
1955ರಲ್ಲಿ, ಧರ್ಮಾಧ್ಯಕ್ಷರಾದ ಮಾರ್ಟನ್ ಎರಾನ್ ಅಸಾಧಾರಣವಾಗಿ ಐದು ಯುವ ಗ್ರೀಕ್-ಕಥೋಲಿಕರನ್ನು ಅಲ್ಬಾ ಇಯುಲಿಯ ಲತೀನ್-ವಿಧಿಯ ಗುರುವಿದ್ಯಾಮಂದಿರಕ್ಕೆ ಸೇರಿಸಿದರು ಮತ್ತು ಅವರಲ್ಲಿ ಮುರೇಸಾನ್ ರವರು ಕೂಡ ಇದ್ದರು. ಆದರೂ ಅವರ ನಾಲ್ಕನೇ ವರ್ಷದಲ್ಲಿ, ಅವರನ್ನು ಧಾರ್ಮಿಕ ವ್ಯವಹಾರಗಳ ಇಲಾಖೆಯಿಂದ ಹೊರಹಾಕಲಾಯಿತು ಮತ್ತು ಪೊಲೀಸ್ ಕಣ್ಗಾವಲಿನಲ್ಲಿ ಇರಿಸಲಾಯಿತು. ಮುಂದಿನ ದಶಕದಲ್ಲಿ, ಅವರು ರಹಸ್ಯ ದೈವಶಾಸ್ತ್ರದ ಅಧ್ಯಯನವನ್ನು ಮುಂದುವ ಮಾರ್ಗದಲ್ಲಿ ಮತ್ತು ಸೇತುವೆ ನಿರ್ವಹಣೆಯಲ್ಲಿ ಸೇವೆ ಮಾಡಿದರು.
ಗೌಪ್ಯವಾದ ಯಾಜಕ
ಡಿಸೆಂಬರ್ 19, 1964 ರಂದು, ವಿಶೇಷ ಕ್ಷಮಾದಾನ ಪಡೆದ ನಂತರ, ಮರಮುರೆಸ್ನ ಸಹಾಯಕ ಧರ್ಮಾಧ್ಯಕ್ಷರಾದ ಅಯೋನ್ ಡ್ರಾಗೋಮಿರ್ ರವರು ಮುರೇಸನ್ ರವರನ್ನು ರಹಸ್ಯವಾಗಿ ಯಾಜಕ ದೀಕ್ಷೆಯನ್ನು ನೀಡಿದರು. ಅವರು ಯುವಕರು ಮತ್ತು ದೈವಕರೆಗಳಿಗೆ ನಿರ್ದಿಷ್ಟ ಸಮರ್ಪಣೆಯೊಂದಿಗೆ ಅಡಗಿಕೊಂಡು ಸೇವೆ ಸಲ್ಲಿಸಿದರು. 1986ರಲ್ಲಿ ಧರ್ಮಾಧ್ಯಕ್ಷರಾದ ಡ್ರಾಗೋಮಿರ್ ರವರ ಮರಣದ ನಂತರ, ಅವರು ಮರಮುರೆಸ್ ರವರನ್ನು ಧರ್ಮಪ್ರಾಂತ್ಯದ ರಹಸ್ಯ ಯಾಜಕರಾದರು, ದಬ್ಬಾಳಿಕೆಯ ಅಡಿಯಲ್ಲಿ ತಮ್ಮ ಜನರ ವಿಶ್ವಾಸವನ್ನು ಉಳಿಸಿಕೊಳ್ಳುವುದನ್ನು ಮುಂದುವರೆಸಿದರು.
ಸಾರ್ವಜನಿಕ ಸೇವೆ
1989ರ ಕ್ರಾಂತಿ ಮತ್ತು ಕಮ್ಯುನಿಸಂನ ಪತನವು ಗ್ರೀಕ್-ಕಥೋಲಿಕ ಧರ್ಮಸಭೆಯು ಭೂಗತದಿಂದ ಹೊರಹೊಮ್ಮಲು ಅವಕಾಶ ಮಾಡಿಕೊಟ್ಟಿತು. 14 ಮಾರ್ಚ್ 1990 ರಂದು, ದ್ವಿತೀಯ ಸಂತ ಜಾನ್ ಪಾಲ್ ರವರು ಲೂಸಿಯನ್ ಮುರೆಸನ್ ಅವರನ್ನು ಧರ್ಮಾಧ್ಯಕ್ಷರಾಗಿ ನೇಮಿಸಿದರು ಮತ್ತು ಅವರನ್ನು ಕಾರ್ಡಿನಲ್ ಅಲೆಕ್ಸಾಂಡ್ರು ಟೋಡಿಯಾರವರು ಪವಿತ್ರಗೊಳಿಸಿದರು. ನಾಲ್ಕು ವರ್ಷಗಳ ನಂತರ, 1994ರಲ್ಲಿ, ಅವರು ಟೋಡಿಯಾದ ನಂತರ ಫೆಗರಾಸ್ ಮತ್ತು ಆಲ್ಬಾ ಇಯುಲಿಯಾದ ಮೆಟ್ರೋಪಾಲಿಟನ್ ಧರ್ಮಾಧ್ಯಕ್ಷರಾಗಿ ಅಧಿಕಾರ ವಹಿಸಿಕೊಂಡರು.
2005ರಲ್ಲಿ, ವಿಶ್ವಗುರು XVI ಬೆನೆಡಿಕ್ಟ್ ರವರು ಫಾಗರಾಸ್ ಮತ್ತು ಆಲ್ಬಾ ಯೂಲಿಯಾ ಮೆಟ್ರೋಪಾಲಿಟನ್ ಧರ್ಮಸಭೆಗೆ ಮುರೇಸನ್ ರವರನ್ನು ಪ್ರಧಾನ ಮಹಾಧರ್ಮಾಧ್ಯಕ್ಷರನ್ನಾಗಿ ಪವಿತ್ರ ಪೀಠಾಧಿಕಾರಿಯು ಅದರ ಮೊದಲ ಸ್ಥಾನಮಾನಕ್ಕೆ ಏರಿಸಿದರು. ಅವರು ತಮ್ಮ ಧರ್ಮಸಭೆಯ ರಚನೆಗಳ ಪುನರ್ನಿರ್ಮಾಣ, ದೇವಾಲಯಗಳನ್ನು ಮರಳಿ ಪಡೆಯುವುದು ಮತ್ತು ಭಕ್ತವಿಶ್ವಾಸಿಗಳಲ್ಲಿ ಐಕ್ಯತೆಯನ್ನು ಪುನಃಸ್ಥಾಪಿಸುವ ಸೂಕ್ಷ್ಮ ವರ್ಷಗಳಲ್ಲಿ ಮಾರ್ಗದರ್ಶನ ನೀಡುತ್ತಿದ್ದರು.
ಸಾರ್ವತ್ರಿಕ ಧರ್ಮಸಭೆಗೆ ಸೇವೆ
ಕಾರ್ಡಿನಲ್ ಮುರೇಸನ್ ರೊಮೇನಿಯಾದ ಕಥೋಲಿಕ ಸಮುದಾಯಕ್ಕೂ ಸೇವೆ ಸಲ್ಲಿಸಿದರು, 1998 ಮತ್ತು 2012ರ ನಡುವೆ ವಿವಿಧ ಸಮಯಗಳಲ್ಲಿ ಧರ್ಮಾಧ್ಯಕ್ಷೀಯ ಸಮ್ಮೇಳನವನ್ನು ಮುನ್ನಡೆಸಿದರು. 2012ರಲ್ಲಿ, 80ನೇ ವಯಸ್ಸಿನಲ್ಲಿ, ವಿಶ್ವಗುರು XVI ಬೆನೆಡಿಕ್ಟ್ ರವರು ಅವರನ್ನು ಕಾರ್ಡಿನಲ್ ಆಗಿ ನೇಮಿಸಿದರು ಮತ್ತು ಸಂತ’ಅಟನಾಸಿಯೊ ಎಂಬ ಬಿರುದನ್ನು ಪಡೆದರು. ನಂತರ ಅವರು ಪೂರ್ವ ಧರ್ಮಸಭೆಗಳ ಡಿಕಾಸ್ಟರಿ ಸದಸ್ಯರಾದರು, ಸಾರ್ವತ್ರಿಕ ಧರ್ಮಸಭೆಗೆ ತಮ್ಮ ಸೇವೆಯ ಅನುಭವವನ್ನು ನೀಡಿದರು.
