ಕಾರ್ಡಿನಲ್ ಪ್ಯಾರೊಲಿನ್ ಇರಾನ್ನಲ್ಲಿನ ‘ಅಂತ್ಯವಿಲ್ಲದ ದುರಂತ’ ಕುರಿತು ಆಳವಾದ ಕಳವಳ ವ್ಯಕ್ತಪಡಿಸಿದ್ದಾರೆ
ವ್ಯಾಟಿಕನ್ ವರದಿ
ರೋಮ್ನ ಡೊಮಸ್ ಮರಿಯೆ ಚರ್ಚಿನ ಹೊರಗೆ, ಸಂತ ಪಿಯರ್ ಜಾರ್ಜಿಯೋ ಫ್ರಾಸ್ಸಾತಿ ರವರ ಅವಶೇಷಗಳ ಪ್ರದರ್ಶನದೊಂದಿಗೆ ನಡೆದ ಪವಿತ್ರ ಬಲಿ ಪೂಜೆಯ ನಂತರ, ವಾಟಿಕನ್ ರಾಜ್ಯ ಕಾರ್ಯದರ್ಶಿ ಕಾರ್ಡಿನಲ್ ಪಿಯೇತ್ರೋ ಪ್ಯಾರೊಲಿನ್ ರವರು ಪತ್ರಕರ್ತರೊಂದಿಗೆ ಮಾತನಾಡಿದರು. ಈ ಸಂದರ್ಭದಲ್ಲಿ ಅವರು ಇರಾನ್ನಲ್ಲಿ ನಡೆಯುತ್ತಿರುವ “ಅಂತ್ಯವಿಲ್ಲದ ದುರಂತ”ದ ಬಗ್ಗೆ ಆಳವಾದ ಕಳವಳ ವ್ಯಕ್ತಪಡಿಸಿದರು.
ತಮ್ಮದೇ ಜನರ ಮೇಲೆ ಕ್ರೌರ್ಯ ನಡೆಸಲಾಗುತ್ತಿರುವುದನ್ನು ಕಂಡು ತೀವ್ರ ನೋವು ವ್ಯಕ್ತಪಡಿಸಿದ ಅವರು, ಇಷ್ಟು ಹೆಚ್ಚಿನ ಮರಣಗಳು ಸಂಭವಿಸಿರುವುದು ಹೇಗೆ ಸಾಧ್ಯ ಎಂಬುದನ್ನು ನಾನು ನನ್ನನ್ನು ನಾನೇ ಕೇಳಿಕೊಳ್ಳುತ್ತೇನೆ ಇದು ಅಂತ್ಯವಿಲ್ಲದ ದುರಂತ ಎಂದು ಹೇಳಿದರು. ಪ್ರಸ್ತುತ ಪರಿಸ್ಥಿತಿಗೆ ಶಾಂತಿಯುತ ಪರಿಹಾರ ದೊರಕಲಿ ಎಂಬ ಆಶೆಯನ್ನು ಕೂಡ ಅವರು ವ್ಯಕ್ತಪಡಿಸಿದರು.
ವೆನೆಜುಯೆಲಾ ಕುರಿತು ಮಾತನಾಡಿದ ಕಾರ್ಡಿನಲ್ ಪ್ಯಾರೊಲಿನ್, ಆ ದೇಶದ ಸಂಕಷ್ಟಕ್ಕೆ ಶಾಂತಿಯುತ ಪರಿಹಾರ ಕಂಡುಕೊಳ್ಳುವಲ್ಲಿ ಪವಿತ್ರ ಜಗದ್ಗುರುಗಳು ಸದಾ ಬದ್ಧ ಎಂದು ಪುನರುಚ್ಚರಿಸಿದರು. ರಕ್ತಪಾತ ತಪ್ಪಿಸಲು ಮದುರೊ ಹಾಗೂ ಆಡಳಿತದ ಇತರೆ ಪ್ರತಿನಿಧಿಗಳೊಂದಿಗೆ ಒಪ್ಪಂದ ಸಾಧಿಸಲು ಪ್ರಯತ್ನಿಸಲಾಯಿತಾದರೂ, ಅದು ಸಾಧ್ಯವಾಗಲಿಲ್ಲ ಎಂದು ಅವರು ಹೇಳಿದರು. ಆದರೆ, ಇಂದಿನ ತೀವ್ರ ಅನಿಶ್ಚಿತತೆಯ ಸ್ಥಿತಿ ಮುಂದಾಗಿ ಸ್ಥಿರತೆ, ದೇಶದ ಪ್ರಜಾಸತ್ತಾತ್ಮಕೀಕರಣ ಮತ್ತು ಆರ್ಥಿಕ ಪುನಶ್ಚೇತನದತ್ತ ಬೆಳೆಯಲಿ ಎಂಬ ಆಶಯವನ್ನು ಅವರು ವ್ಯಕ್ತಪಡಿಸಿದರು.
ಗ್ರಿನ್ಲ್ಯಾಂಡ್ ಮತ್ತು ಅಂತರರಾಷ್ಟ್ರೀಯ ರಾಜಕೀಯದಲ್ಲಿ ಹೆಚ್ಚುತ್ತಿರುವ ಉದ್ವಿಗ್ನತೆಗಳ ಕುರಿತು ಪ್ರಶ್ನೆಗೆ ಉತ್ತರಿಸಿದ ಅವರು, ಬಹುಪಾರ್ಶ್ವಿಕ ಸಹಕಾರದ ಮಹತ್ವವನ್ನು ಒತ್ತಿ ಹೇಳಿದರು. ಬಲಪ್ರಯೋಗದ ಮೂಲಕ ಪರಿಹಾರ ಕಂಡುಕೊಳ್ಳುವುದು ಅಸ್ವೀಕಾರಾರ್ಹ ಎಂದು ಹೇಳಿ, ಇಂತಹ ಕ್ರಮಗಳು ಜಗತ್ತನ್ನು ಅಂತರರಾಷ್ಟ್ರೀಯ ರಾಜಕೀಯದಲ್ಲೇ ಯುದ್ಧದತ್ತ ತಳ್ಳುವ ಅಪಾಯವಿದೆ ಎಂದು ಎಚ್ಚರಿಸಿದರು.
ಕೊನೆಯಲ್ಲಿ, ಇಟಲಿಯ ಲಾ ಸ್ಪೆಝಿಯಾ ನಗರದಲ್ಲಿ ಚೂರಿಯಿಂದ ಹತ್ಯೆಗೀಡಾದ ಯುವ ವಿದ್ಯಾರ್ಥಿಯ ದಾರುಣ ಸಾವಿನ ಕುರಿತು ಅವರು ಮಾತನಾಡಿದರು. ಹಿಂಸೆಗೆ ಪ್ರತಿಕ್ರಿಯೆಯಾಗಿ ಕೇವಲ ಭದ್ರತಾ ಕ್ರಮಗಳು ಸಾಕಾಗುವುದಿಲ್ಲ ಎಂದು ಹೇಳಿ, ಶಿಕ್ಷಣವೇ ಪ್ರಮುಖ ಪರಿಹಾರ ಎಂದು ಅವರು ಒತ್ತಿ ಹೇಳಿದರು. ಯುವಜನರು ಯೋಚಿಸಲು, ಸಕಾರಾತ್ಮಕ ಮೌಲ್ಯಗಳನ್ನು ಅರಿಯಲು ಮತ್ತು ಅಲೆಗಳಿಗೆ ತಾನೇ ತೊಲಗಿಸಿಕೊಳ್ಳದೆ ಬದುಕಲು ಶಿಕ್ಷಣ ವ್ಯವಸ್ಥೆ ಸಹಾಯ ಮಾಡಬೇಕು ಎಂದು ಕಾರ್ಡಿನಲ್ ಪ್ಯಾರೊಲಿನ್ ಕರೆ ನೀಡಿದರು.
