ಕಾರ್ಡಿನಲ್ ಪಾರೊಲಿನ್: ಶಕ್ತಿಶಾಲಿಗಳು ಉತ್ತಮ ಲೋಕವನ್ನು ಅರಿತುಕೊಳ್ಳಲಿ

ವ್ಯಾಟಿಕನ್ ವರದಿ

ಇಂದಿನ ಅತ್ಯಂತ ಉದ್ವಿಗ್ನ ಭೌಗೋಳಿಕ ರಾಜಕೀಯ ಪರಿಸ್ಥಿತಿಯ ನಡುವೆಯೂ, ಹೊಸ ಲೋಕ ಸಾಧ್ಯ, ಹೊಸ ಸಮಾಜ ಸಾಧ್ಯ, ಬದುಕುವ ಹಾಗೂ ಪರಸ್ಪರ ಸಂಬಂಧಿಸುವ ಹೊಸ ಮಾರ್ಗ ಸಾಧ್ಯ ಎಂದು ನಂಬುತ್ತಾ ಮುಂದುವರಿಯುವ ವ್ಯಕ್ತಿಗಳಲ್ಲಿ ಭರವಸೆಯ  ಒಂದು ಸಂಕೇತವನ್ನು ಕಾಣಬಹುದು.

ಇದೇ ವಿಚಾರವನ್ನು ಜಗದ್ಗುರುಗಳ ಅಧಿಕಾರ ಸ್ಥಳದ ರಾಜ್ಯ ಕಾರ್ಯದರ್ಶಿಯಾದ ಕಾರ್ಡಿನಲ್ ಪಿಯೆತ್ರೊ ಪಾರೊಲಿನ್ ರವರು, ಅಸ್ಸಿಸಿಯ ಪವಿತ್ರ ಕಾನ್ವೆಂಟ್‌ನ ಸಂವಹನ ಕಚೇರಿಯ ನಿರ್ದೇಶಕರಾದ ವಂ.ಸ್ವಾಮಿ ಜುಲಿಯೊ ಚೆಸಾರಿಯೋರವರಿಗೆ ನೀಡಿದ ಇಟಾಲಿಯನ್ ಭಾಷೆಯ ಸಂದರ್ಶನದಲ್ಲಿ ಹಂಚಿಕೊಂಡಿದ್ದಾರೆ.

ಬುಧವಾರ ಪ್ರಕಟವಾದ ಈ ಸಂದರ್ಶನವನ್ನು ಮಾರ್ಚ್ 15ರಂದು ದಾಖಲಿಸಲಾಗಿತ್ತು. ಆ ದಿನ ಕಾರ್ಡಿನಲ್ ರವರು ಅಸ್ಸಿಸಿಯಲ್ಲಿ ಪವಿತ್ರ ಫ್ರಾನ್ಸಿಸ್ ರವರ ಅವಶೇಷಗಳ ವಿಶೇಷ ಪ್ರದರ್ಶನದ ಅಂಗವಾಗಿ ನಡೆದ ಪವಿತ್ರ ಬಲಿಪೂಜೆಯನ್ನು ಅಧ್ಯಕ್ಷತೆ ವಹಿಸಿದ್ದರು. ಈ ಪ್ರದರ್ಶನವು ಅವರ ನಿಧನದ 800ನೇ ವಾರ್ಷಿಕೋತ್ಸವದ ಸಂದರ್ಭದಲ್ಲಿ ನಡೆಯಿತು.

ಭರವಸೆಯ ಸಂಕೇತಗಳು

ಈ ಸಂದರ್ಶನದಲ್ಲಿ ಕಾರ್ಡಿನಲ್ ರವರು ಜಾಗತಿಕ ಭೌಗೋಳಿಕ ರಾಜಕೀಯ ಪರಿಸ್ಥಿತಿಯನ್ನು “ಚಿಂತಾಜನಕ” ಎಂದು ವರ್ಣಿಸುತ್ತಾರೆ.

ನಾವು ಎಲ್ಲರೂ ನಿಜವಾಗಿಯೂ ನಡೆಯುತ್ತಿರುವ ವಿಷಯಗಳ ಬಗ್ಗೆ ಚಿಂತಿತರಾಗಿದ್ದೇವೆ, ಎಂದು ಅವರು ಹೇಳುತ್ತಾರೆ. ಆದರೆ, ಭರವಸೆಯನ್ನು ಕಂಡುಹಿಡಿಯಬೇಕಾದರೆ, ಅದು ಈ ಪರಿಸ್ಥಿತಿಯ ಎದುರು ಕೈಚೆಲ್ಲದೆ, ಹೊಸ ಲೋಕ ಸಾಧ್ಯ, ಹೊಸ ಸಮಾಜ ಸಾಧ್ಯ, ಬದುಕುವ ಹಾಗೂ ಸಂಬಂಧಿಸುವ ಹೊಸ ಮಾರ್ಗ ಸಾಧ್ಯ ಎಂದು ಹೇಳುವವರಲ್ಲಿ ಇದೆ ಎಂದು ಅವರು ಹೇಳಿದ್ದಾರೆ.

ನಂಬಿಕೆಯ ಪಾತ್ರ

ಈ ಹಿನ್ನೆಲೆಯಲ್ಲಿ, ಕಾರ್ಡಿನಲ್ ಪಾರೊಲಿನ್ ರವರು ಮಹತ್ತರವಾದ ಭರವಸೆಯ  ಕಾರಣ ಕ್ರೈಸ್ತ ನಂಬಿಕೆಯಿಂದ ಬರುತ್ತದೆ ಎಂದು ಹೇಳುತ್ತಾರೆ. ಅದು ಸಾಕ್ಷಾತ್ ಮಾರ್ಗದರ್ಶನವನ್ನು ನೀಡುತ್ತದೆ, ವಿಶೇಷವಾಗಿ ಸಹೋದರತ್ವದ ವಿಷಯದಲ್ಲಿ ಎಂದು ಹೇಳಿದರು.

ವಿಭಜಿತ ಜಗತ್ತಿನಲ್ಲಿ, ಇಂದು ಪವಿತ್ರ ಫ್ರಾನ್ಸಿಸ್ ರವರಿಂದ ನಮಗೆ ಬರುವ ಸಂದೇಶ, ಯೇಸುವಿನ ಸಂದೇಶದ ಪ್ರತಿಧ್ವನಿಯೇ ಆಗಿದ್ದು, ಎಲ್ಲರನ್ನೂ—ಶತ್ರುಗಳನ್ನೂ ಸಹ ಪ್ರೀತಿಸುವುದಾಗಿದೆ, ಎಂದು ಕಾರ್ಡಿನಲ್ ರವರು ಹೇಳುತ್ತಾರೆ. ಇಂತಹ ಪ್ರೀತಿಯಿಂದಲೇ ನಾವು ಭರವಸೆಯನ್ನು ಪಡೆಯಬಹುದು ಎಲ್ಲರಿಗೂ ಎಲ್ಲವಾಗಿರುವ ಮತ್ತು ಶಾಂತಿಯ ನಿಜವಾದ ವಾಸ್ತವಿಕತೆಯನ್ನು ನಿರ್ಮಿಸಲು ಪ್ರಯತ್ನಿಸುವ ಪ್ರೀತಿ ಎಂದರು.

ಕೂಗಿನಿಂದ ರಾಜಕೀಯ ಕ್ರಿಯೆಗೆ

ಕಾರ್ಡಿನಲ್ ರವರು ಮುಂದುವರಿದು, ಸಮಾಜದಲ್ಲಿ ಹಿಂದುಳಿದವರ ಅರಳಿದ ಕೂಗನ್ನು ಶ್ರೀಮಂತರು ಮತ್ತು ಶಕ್ತಿಶಾಲಿಗಳು ನಿರ್ಲಕ್ಷಿಸಬಾರದು ಎಂದು ಒತ್ತಿಹೇಳುತ್ತಾರೆ. ಈ ಕೂಗು ರಾಜಕೀಯ ಕ್ರಿಯೆಯಾಗಿ ರೂಪಾಂತರಗೊಳ್ಳುವುದು ಅತ್ಯಂತ ಮುಖ್ಯ ಎಂದು ಅವರು ಹೇಳುತ್ತಾರೆ.

ದುರ್ಭಾಗ್ಯವಶಾತ್, ಜಾಗತಿಕ ನಾಯಕರು ಈ ರೀತಿಯಾಗಿ ಮೇಲೇಳುವ ಧ್ವನಿಯ ಕಡೆ ಹೆಚ್ಚು ಗಮನಹರಿಸುವುದಿಲ್ಲ ಅಥವಾ ಸ್ಪಂದಿಸುವುದಿಲ್ಲ ಎಂದು ಕಾರ್ಡಿನಲ್ ಪಾರೊಲಿನ್ ಗಮನಿಸುತ್ತಾರೆ.

ಈ ಸಂದರ್ಭದಲ್ಲಿ, ಸುವಾರ್ತೆಯ ಸಂದೇಶವು ನಮಗೆ ಕಾರಣವಾಗುತ್ತದೆ ಈ ಶೋಷಣಾತ್ಮಕ ಬಾಳುವ ಮತ್ತು ವೈಯಕ್ತಿಕ ಸಂಬಂಧಗಳನ್ನು ಅರ್ಥಮಾಡಿಕೊಳ್ಳುವ ವಿಧಾನಕ್ಕೆ ನಾವು ಹೊಂದಿಕೊಳ್ಳದಂತೆ ತಡೆಯುವ ಮೂಲಕ ಎಂದು ಹೇಳಿದರು.

ಪವಿತ್ರ ಫ್ರಾನ್ಸಿಸ್ ರವರ ಭರವಸೆಯ ಸಂದೇಶ

ಸಂದರ್ಶನದ ಆರಂಭದಲ್ಲೇ ಕಾರ್ಡಿನಲ್ ರವರು, ಆಲೋಚನೆಗಳಿಗಿಂತ ವ್ಯಕ್ತಿಗಳು ಹೆಚ್ಚು ಪ್ರೇರಣೆಯನ್ನು ನೀಡುವ ಇಂದಿನ ಕಾಲದಲ್ಲಿ ಪವಿತ್ರ ಫ್ರಾನ್ಸಿಸ್ ರವರ ವ್ಯಕ್ತಿತ್ವವು ವಿಶೇಷ ಮಹತ್ವವನ್ನು ಹೊಂದಿದೆ ಎಂದು ಹೇಳಿದ್ದಾರೆ.

ಇದನ್ನೇ ಅವರು ಅಸ್ಸಿಸಿಗೆ ಪವಿತ್ರ ಫ್ರಾನ್ಸಿಸ್ ರವರ ಅವಶೇಷಗಳನ್ನು ನೋಡಲು ಜನರು ಹೆಚ್ಚಿನ ಸಂಖ್ಯೆಯಲ್ಲಿ ಆಗಮಿಸುತ್ತಿರುವುದಕ್ಕೆ ಕಾರಣವೆಂದು ವಿವರಿಸುತ್ತಾರೆ ಜನರು ತಮ್ಮ ದಿನನಿತ್ಯದ ಜೀವನದಲ್ಲಿ ಮಾದರಿಗಳನ್ನೂ ಉದಾಹರಣೆಗಳನ್ನೂ ಹುಡುಕುತ್ತಿದ್ದಾರೆ, ಮತ್ತು ಅನೇಕರಿಗೆ ಪವಿತ್ರ ಫ್ರಾನ್ಸಿಸ್ ರವರು ಇತ್ತೀಚೆಗೆ ಸಮಾಪ್ತಿಗೊಂಡ ಜೂಬಿಲಿ ವರ್ಷದ ನಿರಂತರತೆಯಲ್ಲಿ “ಭರವಸೆಯ ಸಂದೇಶ”ವಾಗಿ ಕಾಣಿಸುತ್ತಾರೆ.