Amerika kála te ekobonzama na Motéma-Mosántu wa Yézu

JR Bompolonga – Kinshasa

 Na libakú ya likita enéne ekoya ya Lisangá ya baepiskopo y'Amerika na Orlando, na Floride, úta 10 kinó 12 ya sánzá ya motóbá, baepiskopo bakosála misa mókó elongo mpe bakobonza Amerika na Motéma-Mosántu wa Yézu.

Mokolo ya minei 11 ya sánzá ya motóbá, baepiskopo bakoyoka makanisi bitáli Motéma-Mosántu yambo ya misa o eleko eye ekela ya bobonzi ekosálema, mpóso misáto libosó ya bosepeli, na 4 ya sánzá ya sambo, mibú 250 ya botiyi mokoloto na Nsakola ya lipandá y'Amerika na 1776.

Likanisi eye ekoluka kolendisa bozali bokó bokási ya katoliko na bosepeli ená. Bapaloise mpe bandimi babéngami ya kozala waná na bokokisi ngonga 250 ya bokumisi (adoration) mpe/to misála 250 ya bolimbisi zambi ya komibongama na bobonzi. Na 2024, nkondó Papá François abimisaka encyclique na ye Dilexit nos etáli bolingo ya moto mpe bonzámbe ya Motéma-Mosántu wa Yézu, na botiyi libosó bomipesi ená lokolá lisengoli (antidote) ya makambo likoló likoló ya mikolo miye.

Na linaka

Likita enéne ya Lisangá ya baepiskopo ekozala na milúlú mpo ya bansó na 10 mpe 11 ya sánzá ya motóbá, engebene na liyebísi lyokó ya média. Mgr Paul Coakley, episkopo ya Oklakoma City, akofúngola molúlú ya bansó ya likita enéne na lisikulu lyokó, ya yambo akoloba lokolá mokónzi ya Lisangá ya baepiskopo y'Amerika. Mgr Gabriele Giordano Caccia, ntómá ya Papá n'Amerika, asengeli koloba na baepiskopo.

Baepiskopo y'Amerika basengelaki komilobela na makambo nzike, mpenza bantina ya bokomi basántu ya Mgr Joseph Francis Buh mpe John Rick Miller. Commisio mpo ya bokumisi ya bonzámbe ekolakisa na baepiskopo, mpo ya bondimi, biténi ya buku ya sika ya Litángi mpo ya misa, na lokolá Bobakisi ya Missel romain- Litéya ya milúlú ma losámbo lya misa ya bangonga ya 2025.

Mobéko mpo ya bobáteli bána

Baepiskopo bakosolola lokóla bobongisi bokó lisusu ya Mobéko mpo ya bobáteli bána mpe bilengé, na bolobi makambo mimonani lokolá bisengeli na bokolisi bokó. Engebene na liyebísi ya média, bobongisi ená ekoloba «bomipesi ekobi ya baepiskopo ya kobunda na bambéba mpe ya kokengele 'te misála ya ntina bitikala mpo ya koyanola na mituná». Commisio mpo ya bobáteli bána mpe bilengé elobi 'te mabongisi bipesami bikoluka kozua bokokani bokó káti ya liyóki epái ya baye bazui makámá mpe botáli botosi ya loléngé esengeli, makoki mpo ya baye bafúndami mpe ya droit canonique.

O eleko Eklezia ekobongama mpo ya Mikolo ya mokili ya bolengé 2027 na Séoul, na Corée ya Sudi, baepiskopo basengelaki koloba likambo ya bozali ya Eklezia y'Amerika na molúlú ená. Bakoyeba lokolá bansango ya súka ya aumônerie katoliko na baboloko, bosáleli ya makomi ya súka ya Synode mpe bozali na losámbo ya mikolo libwa ya mikili ya Guadalupe, eye ekobánda na 12 ya sánzá ya zómi na mibalé.

Matondo mingi na ndéngé otángi lisoló liye.