Papa: faleminderit për solidaritetin tuaj me të varfrit, unë "ua kthej" Dilexi te

R.SH. / Vatikan

Kalim i stafetës, angazhim i ripërtërirë për një mesazh që është gjithmonë i rëndësishëm, sot më shumë se kurrë: dashuria për të varfrit. Ky është riafirmimi që Papa Leoni XIV ofroi këtë mëngjes, më 16 nëntor, në përfundim të lutjes së Engjëllit të Zotit, kremtuar në Sheshin e Shën Pjetrit. në Vatikan.

Dashuri për nevojtarët

Kremtimi i sotëm i Ditës IX Botërore të të Varfërve është mundësi për t’i falënderuar ata që, në dioqeza dhe famulli anembanë botës, "kanë organizuar iniciativa solidariteti me më të pafavorizuarit". Kremtimi i këtij viti, i cili ka si temë fragmentin nga Psalmi 71, "Ti, Zoti im, je shpresa ime", e nxiti Papën për t’i rikushtuar "idealisht" thirrjen e tij të parë apostolike mbi dashurinë, atyre që janë më në nevojë, Dilexi te.

"Unë të kam dashur": një mesazh, një dokument që Papa Françesku "po e përgatiste në muajt e fundit të jetës së tij" dhe të cilin Leoni XIV e përfundoi "me gëzim të madh". Sot paradite, Street Observer, kushtuar Dilexi te dhe Jubileut të të Varfërve, u shpërnda në Sheshin e Shën Pjetrit.

Duke kujtuar viktimat e aksidenteve rrugore dhe abuzimit

Sot kujtohen edhe ata që humbën jetën në aksidente rrugore, "shpesh të shkaktuara nga sjellje të papërgjegjshme". Të dhënat e fundit të disponueshme për Italinë, të publikuara nga Istat në Itali, që mbulojnë vitin 2024, regjistrojnë 3,030 vdekje nga 173,364 aksidente.

Secili të shqyrtojë ndërgjegjen e tij për këtë çështje.

Nga tragjeditë rrugore - te abuzimi: sot, kujtoi Papa, Kisha në Itali po propozon përsëri një ditë lutjeje për viktimat dhe të mbijetuarit. Shpresa është që "kultura e respektit të rritet, si garanci e dinjitetit të çdo njeriu", veçanërisht të miturve dhe më të brishtëve.

Lumnimi i Atit De Palma

Leoni XIV kujtoi edhe se dje, më 15 nëntor, në Katedralen e San Sabino në Bari, Itali, u kremtua ceremonia e lumnimit të Carmelo De Palma, prift dioqezan. Ai vdiq në vitin 1961 "pas një jete të kaluar bujarisht në shërbesën e Rrëfimit dhe udhëzimit shpirtëror".

Dëshmia e tij i frymëzoftë priftërinjtë që t'i jepen pa rezerva shërbimit të popullit të shenjtë të Zotit.

Përvjetori i mesazhit të pajtimit të peshkopëve polakë

Së fundmi, duke përshëndetur besimtarët polakëfolës të pranishëm në Sheshin e Shën Pjetrit, Papa përmendi përvjetorin e mesazhit të pajtimit që ipeshkvijtë polakë u dërguan ipeshkvijve gjermanë më 18 nëntor 1965, pak para përfundimit të Koncilit II të Vatikanit. Teksti përmbante një thirrje të fortë për pajtim ndërmjet dy vendeve pas shkatërrimit të Luftës II Botërore dhe përfshinte frazën e famshme: "Ne falim dhe kërkojmë falje".