Rais wa Maaskofu wa Marekani ahimiza Trump kuacha tishio la kushambulia Iran

Vatican News

"Ninamtaka Rais Trump ajiondoe kwenye kikwazo cha vita na kujadili suluhisho la  haki kwa ajili ya amani na kabla ya maisha zaidi kupotea," alisema Askofu Mkuu Paul S. Coakley, Rais wa Baraza la  Maaskofu Katoliki la Marekani. Katika taarifa iliyochapishwa Jumanne, tarehe 7 Aprili 2026, Askofu Mkuu alilaani tishio la Rais wa Marekani la kuanzisha shambulio la jumla dhidi ya Iran ikiwa haitaheshimu tarehe ya mwisho iliyowekwa na rais mwenyewe Jumanne jioni ya kufikia makubaliano ya kufungua tena Njia ya Hormuz, njia muhimu ya kibiashara kwa Meli za mizigo.

Tishio la kijeshi kuongezeka

Kwa tishio la kuongezeka kwa hatua za kijeshi, ikiwa ni pamoja na kulenga miundombinu ya raia nchini Iran, Askofu Mkuu Coakley pia aliakisi wito wa Papa Leo XIV wa amani wakati wa Juma Kuu Takatifu na Pasaka na kuwaalika wanaume na wanawake wote wenye mapenzi mema kuungana naye katika mkesha wa maombi ya amani siku ya Jumamosi, tarehe 11 Aprili 2026. Kwa dhati, Baba Mtakatifu mara baada ya Sala ya Malaika wa Bwana aliwaomba waamini wote na wenye mapenzi mema kushiriki sala kwa ajili ya amani.

Kwa njia hiyo, naye Askofu Mkuu Coakley alisema: "Ninatoa ombi maalum kwa ndugu zangu maaskofu, makuhani, walei, na watu wote wanaotamani amani ya kweli kujiunga na Mkesha wa Baba Mtakatifu wa Amani, iwe mtandaoni, au katika parokia, makanisa, au mbele ya Bwana aliyepo katika utulivu wa mioyo yao kuungana na Baba yetu Mtakatifu tunapoomba amani katika ulimwengu wetu."

Asante kwa kusoma makala yetu. Unaweza kuendelea kupata taarifa mpya kwa kujisajili kwa jarida letu la kila siku:Just click here.