Papa akutana na Waziri Mkuu wa Latvia

Vatican News.

Kwa mujibu wa taarifa kutoka vyombo vya Habari, Vatican imebanisha kuwa “Asubuhi ya leo, tarehe 24 Novemba 2025, Baba Mtakatifu  Leo XIV alimpokea kwa Mkutano  katika Jumba la  Kitume la Vatican, Waziri Mkuu wa Jamhuri ya Latvia, Mheshimiwa  Bi Evika Siliņa, ambaye baadaye alikutana na Kardinali Pietro Parolin, Katibu Mkuu wa Vatican , akifuatana na Askofu Mkuu Paul R. Gallagher, Katibu wa Vatican wa  Mahusiano na Mataifa na Mashirika ya Kimataifa.”

Mkutano wa waziri Mkuu wa Latvia na Papa   (@VATICAN MEDIA)

Wakati wa mazungumzo ya kirafiki katika Sekretarieti ya Vatican, pande zote mbili zilielezea kuridhika na uhusiano mzuri kati ya Vatican na Jamhuri ya Latvia, pamoja na mchango chanya ambao imani ya Kikristo na Kanisa Katoliki hutoa kwa nchi. Mazungumzo hayo pia yaligusia masuala kadhaa ya kikanda na kimataifa, hasa juhudi za kufikia amani na kukomesha vita nchini Ukraine.

Waziri Mkuu wa Latvia akizungumza na Katibu Mkuu wa Vatican   (@Vatican Media)