Argentina,Bokalic:Ujumbe kutoka kwa Papa Leo kuhusu umuhimu wa kujitolea Kikristo kijamii

Vatican News

"Kwetu sisi, ni furaha kubwa, kwa sababu watu wetu, wanyenyekevu, wanampenda Papa. Imekuwa hivi kila wakati, na kwa kila mtu." Kwa maneno haya, Kardinali Vicente Bokalic, Askofu Mkuu wa Santiago del Estero na Mkuu wa Kanisa la Argentina, alitoa maoni yake kuhusu tangazo rasmi la tarehe 5 Agosti iliyopita kuhusu  ziara ya Papa Leo XIV nchini Argentina, kama sehemu yake yake ndefu ya Kitume kwenda Amerika Kusini. "Umuhimu wa ujumbe ambao Papa Leo XIV ataachia bara letu hakika utahusiana na mwelekeo wa kijamii wa imani," alielezea Kardinali huyo, mwenye asili ya Kislovenia na mmisionari wa Mtakatifu Vincenti, katika mahojiano na vyombo vya habari vya Vatican.

Kujitolea kwa Kikristo

"Kama Francisko," Papa Leo amejitolea sana kuhakikisha kwamba imani inadhihirika kwa vitendo, inahusika katika maendeleo ya watu wetu, na anakemea kinabii mapungufu, kushindwa, dhuluma, mateso, na ukiukwaji wa haki za binadamu, pamoja na umaskini mkubwa unaoenea katika vituo vingi kutokana na sera ya kiuchumi ambayo haileti kila mtu sawa," Bokalic anasisitiza. "Papa Leo ataweka umuhimu mkubwa juu ya kujitolea kwa Kikristo kwa utaratibu wa kijamii na, kwa maana hii, ataakisi suala zima la watu wa kawaida, ambao ni wa msingi katika kutekeleza kujitolea kwao kushiriki katika maisha ya kijamii, kiuchumi, na mawasiliano, na katika kila kitu kinachohusiana na kufikia maeneo magumu zaidi, ambapo maisha yenyewe yanatishiwa na watu wengi kwa sasa wametengwa na maisha ya heshima.

Ujumbe wa Kichungaji

Kwa hivyo, kile ambacho Papa atapeleka katika nchi ya Amerika Kusini kitakuwa, kulingana na Kardinali, "ujumbe wa kichungaji, kwa sababu ni ziara ya kichungaji na ya kitume," lakini "zaidi ya yote, ziara ya Kanisa kama Jumuiya ya kikanisa." "Papa Leo, amerudia kwetu mara kadhaa, hasa katika makanisa, uhalali na umuhimu wa Waraka wa Evangelii Gaudium: umuhimu wa kerygma(Utangazaji) katika hali maalum za wakati wetu. Changamoto ya ulimwengu mamboleo  tunaoishi ni kurudi kwenye muhimu, kwa kerygma, ili kuiwasilisha kama kitu hai kinachoelekeza njia ya mbele katika huduma ya kichungaji."

Amani Tu

Tangu mwanzo wa upapa huu, Kardinali anasisitiza, "neno 'amani' limeibuka kwa msisitizo mkubwa kama kilio cha ubinadamu na moyo wa mwanadamu, hitaji la amani ya haki inayoheshimu utu wa mwanadamu. Amani inayotokana na udugu, mshikamano, haki, na kuwaweka walio katika mazingira magumu zaidi na maskini zaidi katika jamii zetu katikati.

Hatimaye, hii ndiyo inayofafanua utunzaji wa kichungaji: watu katika kituo, hasa wale wasio na ulinzi zaidi na maskini zaidi." "Hakika," Kardinali Bokalic anasema, "Papa atasisitiza juu ya hili na atatuachia nyenzo za kuendelea kutafakari na kuchunguza suala hilo hata baada ya ziara yake; kazi ambayo inawaangukia kila mtu, lakini hasa kwa Maaskofu. Kile ambacho Papa ni, na kile anachoonesha, kinaweza kutusaidia katika safari hii ya ujumuishaji wa jamii, tukizingatia hali halisi za kijamii, kisiasa, na kiuchumi zinazoakisiwa na Injili, ambayo ni Yesu Kristo. Pia naamini haya ni mambo muhimu katika kujiandaa kwa ziara yake mwezi Novemba."

Asante kwa kusoma makala yetu. Unaweza kuendelea kupata taarifa mpya kwa kujisajili kwenye jarida letu la kila siku. Just click here.