Vikwazo vidogo,ambavyo havizuii mauaji

Andrea Tornielli

Tume ya Ulaya iliwasilisha hatua Jumatano, tarehe 17 Septemba 2025, kujaribu kusitisha janga linaloendelea Gaza. Tunaendelea kuona picha za kuhuzunisha za watu wote waliolazimika kukimbia chini ya mabomu, picha za watoto waliouawa. Tunaendelea kusikiliza maombi ya mara kwa mara ya Papa Leo XIV, ambaye, mwishoni mwa Katekesi yake, alirudia wito wake wa kuheshimu kikamilifu sheria za kimataifa za kibinadamu, akielezea ukaribu wake na watu wa Palestina ambao "wanaendelea kuishi kwa hofu na kuishi katika mazingira yasiyokubalika, wakilazimishwa kwa nguvu kuhama tena kutoka katika ardhi zao.” Kwa kuzingatia haya yote, mapendekezo ya Umoja wa Ulaya (EU), ambayo bado yanangoja kuidhinishwa, yanaonekana kuwa ya kawaida.

Kuna hatua ambazo madhara yake yanahatarisha kufanya maisha kuwa magumu kwa idadi ya watu, huku nyingine zikikosekana ambazo zinaweza kuathiri moja kwa moja mzozo: vikwazo kwenye biashara ya silaha. Hizi ndizo silaha zinazotumika hivi sasa katika uvamizi dhidi ya nchi nyingine jirani. Mfuko wa mapendekezo ya Ulaya, kiukweli, hauna masharti juu ya usambazaji wa silaha na vifaa vya kijeshi. Maneno yaliyosemwa na Papa Leo Juni 26 iliyopita yanasalia kuwa muhimu sana: "Tunawezaje kuendelea kusaliti shauku ya watu ya amani kwa propaganda za uwongo za kuanza silaha tena, kwa udanganyifu usio na maana kwamba ukuu utasuluhisha matatizo badala ya kuchochea chuki na kulipiza kisasi? Watu wanazidi kutojua kiasi cha fedha kinachoingia kwenye mifuko ya wafanyabiashara wa kifo, ambacho wangeweza kujenga hospitali na shule; na badala yake, zile zilizojengwa tayari zinaharibiwa!”