Vatican:Takwimu Za Kanisa Katoliki 2025: Mwelekeo ni Mzuri kwa Wakatoliki Mabara Yote

Vatican News

Katika hafla ya Dominika ya 99 ya Umisionari  Ulimwenguni, iliyoadhimishwa Dominika tarehe 19 Oktoba 2025, kwa kuongozwa na kauli mbiu inayoakisi Mwaka Mtakatifu 2025 isemayo: "Wamisionari wa Matumaini Kati ya Watu," kama kawaida, Shirika la Kipapa la Habari za Kimsionari ( Fides) lilitoa baadhi ya takwimu zilizochaguliwa kutoa hali halisi ya Kanisa ulimwenguni. Takwimu yote iliyo katika ripoti hiyo na majedwali yake, iliyohaririwa na Elena Grazini na Luca Maioldi, ambayo imechukuliwa kutoka katika "Kitabu cha Mwaka cha Kitakwimu cha Kanisa" kilichochapishwa mwaka huu 2025, na inawahusu washiriki wote wa Kanisa Katoliki, miundo ya kichungaji, na shughuli katika nyanja za afya, ustawi, na elimu. Takwimu za kitabu hicho kuhusu jumla ya idadi ya watu duniani na idadi ya Wakatoliki waliobatizwa imesasishwa hadi tarehe 30 Juni 2023 na takwimu nyingine imesasishwa hadi tarehe 31 Desemba 2023.

Kanisa Katoliki Ulimwenguni: Muhtasari wa Takwimu

Kufikia tarehe 30 Juni 2023, idadi ya watu duniani ilifikia 7,914,582,000, kwa ongezeko la 75,639,000 ikilinganishwa na mwaka 2022. Mwelekeo mzuri unathibitishwa kwa mabara yote, ikiwa ni pamoja na Ulaya. Kufikia tarehe 30 Juni 2023, idadi ya Wakatoliki ilifikia 1,405,454,000, ongezeko la jumla la 15,881,000 ikilinganishwa na mwaka 2022. Ongezeko la Wakatoliki pia linaonekana katika mabara yote matano, ikiwa ni pamoja na Ulaya, ambayo inarudisha nyuma upungufu ulioonekana katika uchunguzi uliopita, wakati idadi ya Wakatoliki ilipungua mnamo 2022 ikilinganishwa na 2021.

Kama ilivyokuwa miaka ya nyuma, ongezeko la Wakatoliki limeonekana zaidi barani Afrika (+8,309,000) na Amerika (+5,668,000). Hii inafuatwa na Asia (+954,000), Ulaya (+740,000), na Oceania (+210,000). Asilimia ya Wakatoliki katika idadi ya watu duniani iliongezeka kidogo (+0.1%) ikilinganishwa na mwaka uliopita, na kufikia 17.8%. Kuangalia mabara ya kibinafsi, mabadiliko katika takwimu hii ikilinganishwa na uchunguzi uliopita ni ndogo. Jumla ya maaskofu duniani kote iliongezeka kwa 77 ikilinganishwa na utafiti wa mwaka 2022, na kufikia 5,430. Idadi ya maaskofu wa majimbo iliongezeka (+84) na idadi ya maaskofu Watawa ilipungua (-7). Kuna maaskofu wa majimbo 4,258, huku kuna maaskofu watawa 1,172.

Mapadre

Jumla ya idadi ya mapadre duniani kote inaendelea kupungua: 406,996 (-734 ikilinganishwa na uchunguzi uliopita). Ulaya (-2,486) kwa mara nyingine tena iliona upungufu mkubwa, ikifuatiwa na Amerika (-800) na Oceania (-44). Kama mwaka 2022, ongezeko kubwa lilirekodiwa katika Afrika (+1,451) na Asia (+1,145). Idadi ya mapadre wa jimbo duniani kote ilipungua kwa 429, na kufikia 278,742. Kurudishwa nyuma ongezeko hili lilioonekana katika mwaka uliotangulia, idadi ya mapadre Watawa pia ilipungua, ikifikia 128,254 (-305) kulingana na uchunguzi wa hivi karibuni.

Mashemasi

Idadi ya mashemasi wa kudumu duniani kote iliendelea kuongezeka katika uchunguzi wa hivi karibu wa  kila mwaka (+1,234), na kufikia 51,433. Ongezeko lilirekodiwa Amerika (+1,257) na Oceania (+57). Kupungua kidogo kulirekodiwa katika Asia (-1), Afrika (-3), na Ulaya (-27). Idadi ya wasiokuwa makuhani ilipungua kwa 666 ikilinganishwa na uchunguzi wa mwaka 2022, na kufikia jumla ya 48,748. Kupungua kulirekodiwa katika Ulaya (-308), Amerika (-293), Asia (-196), na Oceania (-46), huku Afrika, idadi ya wasiokuwa makuhani watawa iliongezeka (+107).

Watawa

Utafiti wa hivi karibuni pia unathibitisha mwelekeo wa muda mrefu wa kushuka duniani kwa idadi ya wanawake watawa: 589,423 (-9,730). Ongezeko lilirekodiwa kwa mara nyingine tena barani Afrika (+1,804) na Asia (+46), huku kupungua kukiendelea Ulaya (-7,338), Amerika (-4,066), na Oceania (-251). Idadi ya wanaseminari kuu, wa Majimbo na watawa, pia ilipungua katika uchunguzi wa hivi karibuni wa kila mwaka: kuna 106,495 duniani kote (mwaka 2022, walikuwa 108,481). Ongezeko lilirekodiwa barani Afrika pekee (+383), huku mapunguzo yalirekodiwa Amerika (-362), Asia (-1,331), Ulaya (-661), na Oceania (-15).

Waseminari

Jumla ya waseminari ndogo, wa majimbo na wa kitawa, pia ilipungua, na kufikia 95,021 (-140). Hasa, mwelekeo ulibadilika barani Afrika, kutoka katika ongezeko lililorekodiwa katika utafiti uliopita wa kila mwaka (+1,065) hadi kupungua kulikorekodiwa katika utafiti wa hivi karibuni (-90). Upungufu pia ulirekodiwa katika Ulaya (-169) na Oceania (-31), lakini ongezeko kubwa lilirekodiwa katika Asia (+123) na moja chini ya alama katika Amerika (+27).

Elimu

Katika nyanja ya elimu na mafunzo, Kanisa linasaidia shule za awali 74,550 duniani kote, zinazohudhuriwa na wanafunzi 7,639,051; shule za msingi 102,455 kwa wanafunzi 36,199,844; na shule za kati na sekondari 52,085 kwa wanafunzi 20,724,361. Zaidi ya hayo, wanafunzi 2,688,625 wanahudhuria shule za sekondari, na wanafunzi 4,468,875 wanahudhuria Vyuo Vikuu vinavyohusishwa na Kanisa Katoliki.

Vituo vya afya Katoliki

Jumla ya taasisi za afya, upendo, na ustawi zilizounganishwa na Kanisa Katoliki ni 103,951, zikiwemo: hospitali 5,377 na zahanati 13,895; vituo vya wakoma 504; nyumba za wazee 15,566, wagonjwa wa kudumu, na walemavu; vituo 10,858; vituo vya ushauri wa ndoa 10,827; 3,147, vituo vya elimu ya jamii au ukarabati, na taasisi nyingine 35,184. Machapisho ya kikanisa (yaani, majimbo makuu, majimbo ya kawaid, Abasia mahalia, vikariati za kitume, Balozi za kitume, misheni ya sui iuris, prelatures za eneo, tawala za kitume, na  mapadre wa kijeshi) zinazotegemea  Baraza la Kipapa la Uinjilishaji (Sehemu ya Uinjilishaji wa Kwanza na Makanisa Mapya Maalum) jumla ya 1,130, kulingana na mabadiliko ya hivi karibuni yaliyorekodiwa (+7). Maeneo megne ya kitume ya  kikanisa yaliyokabidhiwa kwa  Baraza la Kipapa la Uinjilishaji ambalo makao makuu yake yako Karibu na Uwanja wa Hispania ziko Afrika (530) na Asia (483). Wanafuatwa na Amerika (71) na Oceania (46).