Tuzo ya Vatican,Chuo cha Kipapa 2025:Wito kwa Wasomi Vijana

Vatican News.

Limechapishwa tangazo la Tuzo ya Chuo cha Kipapa cha Elimu kwa 2025, inayofadhiliwa na Chuo cha Kipapa cha Taalimungu kwa kushirikiana na Baraza la Kipapa la Utamaduni na Elimu. Mpango huo, ulioanzishwa na Kanuni za Chuo cha Kipapa, utafikia kilele katika utoaji wa tuzo hiyo wakati wa Kikao cha Umma cha kila mwaka.

Nani anayestahili kushiriki katika shindano hili?

Shindano hili liko wazi kwa wasomi vijana walio chini ya umri wa miaka 35 ifikapo Septemba 1, 2025, ambao utafiti wao unachangia pakubwa katika utafiti na usambazaji wa mawazo ya kitaalimungu. Kazi zilizowasilishwa lazima ziandikwe kwa Kiitaliano, Kifaransa, Kihispania, au Kiingereza na zishughulikie mada ya kitaalimungu kutoka mtazamo wa kihistoria na/au wa kimfumo, kuhusiana na "Motu Proprio Ad Theologiam Promovendam" ya Papa Francisko, iliyotangazwa mnamo tarehe 1 Novemba  2023, ambayo inahitaji tafakari mpya ya kitaalimungu katika mazungumzo na ulimwengu wa kisasa. Kazi ambazo hazijachapishwa, nadharia za udaktari zilizotetewa kati ya Januari 1, 2022, na Septemba 15, 2025, pamoja na kazi ambazo tayari zimechapishwa baada ya Januari 1, 2022, zinastahili kushiriki katika shindano hilo. Maombi lazima yaambatane na CV za waandishi na kuwasilishwa kabla ya tarehe 1 Februari  2026.

Tuzo

Nyaraka zinazohitajika lazima ziwasilishwe kidijitali katika  Baraza la Chuo cha Kipapa na, wakati huo huo, katika fomu ya karatasi kwa njia ya posta ya kawaida, zikibainisha maneno "Tuzo ya Chuo cha Kipapa 2025" kwenye bahasha, kwa anwani ya:Rais wa Chuo cha Kipapa cha Taalimungu, Mheshimiwa Mons. Antonio Staglianò, Roma.

Zawadi zitatolewa kwa kazi bora zaidi

Taarifa zaidi kuhusu taratibu za ushiriki na vigezo vya hukumu zinapatikana katika tangazo kamili lililochapishwa kwenye tovuti rasmi za Chuo cha Kipapa cha Taalimungu na Baraza la Kipapa la Utamaduni na Elimu. Tangazo hilo lilitangazwa hadharani mnamo tarehe 16 Desemba 2025, huku hati rasmi ikiwa na tarehe ya Novemba 19, 2025, ikiashiria uzinduzi rasmi wa toleo la 2025 la Tuzo, ambalo ni sehemu ya mipango ya Vatican inayolenga kusaidia na kukuza utafiti wa kitaalimungu kwa vizazi vipya.

Asante kwa kusoma makala yetu. Unaweza kuendelea kupata taarifa mpya kwa kujisajili kwenye jarida letu la kila siku,bonyea hapa: Just click here.