60-ஆவது உலக தகவல் சமூகத்தொடர்பு நாளுக்கான கருப்பொருள்
மெரினா ராஜ் - வத்திக்கான்
இன்றைய தகவல் தொடர்பு சூழல் அமைப்புகளில், தொழில்நுட்பம் முன்பை விட அதிகமாக தொடர்புகளை பாதிக்கிறது என்றும், அது செய்தி ஊட்டங்களை நிர்வகிக்கும் வழிமுறைகள் முதல், முழு உரைகளையும் உரையாடல்களையும் உருவாக்கும் செயற்கை நுண்ணறிவு வரை பாதிக்கிறது என்றும் 60 ஆவது உலக தகவல் சமூகத்தொடர்பு நாளுக்கான செய்தியில் தெரிவித்துள்ளார் திருத்தந்தை பதினான்காம் லியோ.
மனிதர்களின் குரல்களையும் உருவங்களையும் பாதுகாத்தல் என்பதை 60 ஆவது உலக தகவல் சமூகத்தொடர்பு நாளுக்கான கருப்பொருளாக வெளியிட்டுள்ளார் திருத்தந்தை பதினான்காம் லியோ.
இன்றைய மனிதகுலம் சில ஆண்டுகளுக்கு முன்பு கற்பனை செய்ய முடியாத சாத்தியக்கூறுகளைக் கொண்டிருந்தது என்றும், இந்த செயற்கை நுண்ணறிவுக் கருவிகள் செயல்திறனையும் அணுகலையும் வழங்கினாலும், நெறிமுறைகள் மற்றும் தார்மீக பொறுப்புக்கான தனித்துவமான மனித திறன்களை அவை மாற்ற முடியாது என்றும் தெரிவித்துள்ளார்.
பொது தகவல்தொடர்புக்கு தரவு வடிவங்கள் மட்டுமல்ல, மனித தீர்ப்பு தேவைப்படுகிறது என்று வலியுறுத்தியுள்ள திருத்தந்தை அவர்கள், மனிதகுலம் வழிகாட்டும் முகவராக இருப்பதை உறுதி செய்வது சவால் நிறைந்தது என்றும், மனித குரலை அரிப்பதற்குப் பதிலாக, மனித வாழ்க்கையை இணைக்கின்ற மற்றும் எளிதாக்குகின்ற கருவிகளாகச் செயல்படும் ஒன்றாக தகவல்தொடர்பின் எதிர்காலம் இருக்க வேண்டும் என்றும் வலியுறுத்தியுள்ளார் திருத்தந்தை.
தகவல் தொடர்பினால் நமக்கு சிறந்த வாய்ப்புகள் உள்ளன. அதே நேரத்தில், அபாயங்கள் உள்ளன என்பதும் உண்மை என்று சுட்டிக்காட்டியுள்ள திருத்தந்தை அவர்கள், செயற்கை நுண்ணறிவால் AI ஈர்க்கக்கூடிய ஆனால் தவறாக வழிநடத்தும், கையாளும் மற்றும் தீங்கு விளைவிக்கும் தகவல்களை உருவாக்க முடியும், என்றும் தெரிவித்துள்ளார்.
மேலும் மனித குரல்கள் மற்றும் முகங்களை உருவகப்படுத்துவதன் வழியாக தவறான தகவல்களைப் பெருக்க முடியும். இது மக்களின் தனியுரிமை மற்றும் நெருக்கத்தை அவர்களின் ஒப்புதல் இல்லாமல் ஆக்கிரமிக்கக்கூடும் என்றும் சுட்டிக்காட்டியுள்ளார் திருத்தந்தை.
AI மீதான அதிகப்படியான நம்பிக்கை விமர்சன சிந்தனை மற்றும் படைப்புத் திறன்களை பலவீனப்படுத்துகிறது என்றும், அதே நேரத்தில் இந்த அமைப்புகளின் ஏகபோகக் கட்டுப்பாடு அதிகாரத்தை மையப்படுத்துதல் மற்றும் சமத்துவமின்மை பற்றிய கவலைகளை எழுப்புகிறது என்றும் குறிப்பிட்டுள்ளார்.
இந்த செய்தியை வாசித்ததற்கு நன்றி. நீங்கள் தொடர்ந்து எங்களது அண்மைச் செய்திகளைப் பெற விரும்பினால் “செய்தி மடல்” என்பதைத் தொட்டு பதிவுசெய்ய உங்களை அழைக்கின்றோம். இங்கே கிளிக் செய்யவும்
