ጉባኤ ካርዲናላት ሳልሳይ ውዕሎ ንተስፋ ወንጌል ከም ጸረ ውልቃውነት ይድግፍ

ስምዖን ተ. ኣርኣያ - ሃገር ቫቲካን

ናይቲ ቀዳም ዕለት 27 ሰነ ቅድሚ ፍርቂ መዓልቲ ኣብ ጳውሎስ ሻድሻይ ናይ ጉባኤ ኣድራሽ ዝተኻየደ ካልኣይ ዓውደ ኣኼባ ሳልሳይ ውዕሎ ጉባኤ ካርዲናላት ኣማእኪሉ ናይ ቅድስቲ መንበር ዜናን ክፍሊ ማሕተምን ቤት ጽሕፈት ኣብ ዘውጸኦ መግለጺ፡ እቲ ውዕሎ ኣፈ ጉባኤ ካርዲናላት ካርዲናል ጆቫኒ ባቲስታ ረ ኣብ ባዚሊካ ቅዱስ ጴጥሮስ ብካርዲናላት ተዓጂቦም ድሕሪ ዝስርዕዎ መስዋእተ ቅዳሴ ስዒቡ ኣብ ኣዳራሽ ጳውሎስ ሻድሻይ ቅዱስ ኣቦና ርእሰ ሊቃነ ጳጳሳት ልዮን መበል 14 ዝመርሕዎ Adsumus - ጸሎት ናብ መንፈስ ምስ ተደግመ እቲ ዋዕላ ኣብ ታንዛኒያ ናይ ታቦራ ሊቀ ጳጳሳት ካርዲናል ፕሮታሰ ሩጋምብዋ ከም ዝመርሕዎን ብስም ካርዲናላት ርእሰ ሊቃነ ጳጳሳት ጉባኤ ካርዲናላት ነቲ ንሰላም ዝገብርዎ ጻውዒት ዝድግፍ ቃላቱ ብምምስጋን፡ ነቲ ጻውዒት ካርዲናላት ሰበኻታቶምን መበቆል ዞባታቶምን ሓላፍነት ብምውሳድ ዝያዳ ኣድማዒ ክገብርዎ ድማ ተላብዮም፡ እዚ ድማ ብሓባር ሓንቲ ጉጅለ መዘመራን ንምቅላሕ ከም ናይ ሓባር ተወፋይነት ሓይሊ መታን ክረክብ ከም ዝበሉን ስዒቡ ኣብ ደቡብ ኣፍሪቃ ናይ ጆሃንስ በርግ ሊቀ ጳጳሳት ካርዲናል ስቲቨን ብሪስሊን “ሰናይ ምሃናጽ፡ ኣብ ናይ ዕዮ ቦታታት” ናይ ዝብል ቅዉም ሓሳብ ጸብጻብ ምስ ኣቕረቡ፡

ድሕሪ ናይ ግሊ ጾሎትን ግዜ ጽምዋን፡ ካርዲናል ሩጋምብዋ ነቲ ካርዲናላት ብጉጅለ ተመዳዲቦም ዘካይድዎ ናይ ክቢ ጠረጴዛ ዘተ ከም ዘበገሱን የመላኽት።

ድሕሪ ናይ ክቢ ጠረጴዛ ዘተ ቅዱስ ኣቦና ኣብ ዝተረኽብሉ ነፍሲ ወከፍ ዓሰርተ ሓደ ጉጅለታት ጸብጻብ ከም ዘቕረባን፡ ብዙሓት ካብቶም ጉጅለታት ኣስተንትኖኦም ኣብ ንባብ ናይቲ ኣብ ዘመንና ዝነበረ ዓሚቝ ስብራት ከም ዘተኮሩን ኣብ መንጎ ህዝብታትን ኣህዛብን፡ ኣብ ውሽጢ ሕብረተሰባትን ኣብ ውሽጢ ስድራቤታት እውን ከይተረፈፍ ዘሎ፤ ከምኡ’ውን እቶም ስብራት ብኸመይ ቁስሊ ከም ዝፈጥሩን፡ ብፍላይ ኣብቶም ዝደኸዩ፡ ድኹማትን፡ ናይ ሓድሽነት ትርጉም ዝሰኣኑ መንእሰያት፡ ከምኡ’ውን ናይ ዓመታት ጥበብ ዝጎደሎም ዓበይቲ ሰባትን ዝብሉ ምዃኖም ዝሓበረ ናይ ቅድስቲ መንበር ዜናን ክፍሊ ማሕተምን መግለጺ ኣስዒቡ፡ ብዙሓት ካብቶም ጸብጻባት፡ ንሰባት ናብ ቀቢላዊ ኣተሓሳስባ ዝደፍኦም፡ ትርጉም ዘይምህላው፡ ትርጉም ዘለዎ ዝምድናታትን መንነትን ዘይምህላው ዘስዕቦ ሓደጋ ዘጉልሑ ኮይኖም። ንብሕታዊ ኣሳልጦ ወይ ዓወት ቢሎም ናብ ዝሓስብዎ ምድንጋር ዚመርሕ እተጋነነ ውልቃውነት ዘለዎ ግደ ክም ዘጒለሑን፡ ኣብዚ መንጽር እዚ፡ ብድሆ ሰብ ሰርሖ ኣስተውዕሎ፡ ናይ ሓባር ሰብኣዊ ክብርታት ብምልላይ ክምርመር ዘለዎ ስነ ሰብኣዊ ሸነኽ ኮይኑ ይቕልቀል። እዚኦም ንህያዋን ፍጡራት ኣስማት ንምሃብ ብዝብል ጻውዒት ይጀምሩ እምበር ናብ ቁጽርን ኣሃዛዊ ጭብጥታትን ንምውራድ ኣይኮኑን፤ ነቲ ሰብ ሰርሖ ኣስተውዕሎ ዚኽሕዶ ሰብኣዊ ስምዒት ደረት  ኪለማመድን ኪቕበሎን፣ ናይ ስራሕ ክብረት ድማ ይከላኸል። ኣብ ውሽጢ እዚ ማዕቀፍ እዚ ብዙሓት ጉጅለታት ዋጋ ሓባራዊ ረብሓ ክትሓቑፎን ክትርድኦን ኣጸጋሚ ነገር ምዃኑን ፖለቲካ መብዛሕትኡ ግዜ ዘይደልዮ ኮይኑ ከም ዘሎ እውን ከም ዘስተህባሉን፡ ንሳቶም፡ ንዕኡ ንምዕዋት ዘድሊ ንብረትን ጸጋታትን ኣብ ኢድ ውሑዳት ከምዘሎ ብምፍላጥ፡ ምስሉይነትን ብልሽውናን፡ ከምኡ’ውን ንምዕዋት ዘድሊ ንብረትን ጸጋታትን ኣብ ኢድ ውሑዳት ከምዘሎ ብምፍላጥ ዝፍጠር ናይ ዘይምኽኣል ስምዒትን ንምስዓር ቋንቋ ልቢ ዝሓትት ምዃኑ ከም ዘስተብሃሉ የመላኽት።

እቲ ናይ ሓባር ሰናይ ዝብል ስምዒት፡ ብዙሓት ጉጅለታት ብምርግጋጽ፡ መበገሲኡ ካብ እምነት እዩ፦ እምነት ኣብ ኣምላኽን ኣብቲ ኣብ ነፍሲ ወከፍ ሰብ ዘሎ ስግርነት ሸነኽን፡ እዚ ድማ ንደቂ ሰባት ካብቲ ኪኖ ገዛእ ርእሶም ዝወስዶም፡ ኪኖ ነፍሲ ወከፍ ዶብ ክኸዱ ዝመርሖም፤ ምስ ድኻታት ሓድነት ምንባር ንውልቃውነት ምላሽ ምሃብ፤ ምሉእ ብምሉእ ካቶሊካውነት ምንባር፣ ኣብ ኵሉ ደረጃታት ትካላት ዘይኰነስ ብናጻ ርክባት ምህናጽ፣ ከምኡውን ካብ እምነት ክርስትና ርሒቑ ምስ ዘሎ ቦታታት ከራኽብ ዝኽእል ቋንቋ ምልላይ ዘለዎ ኣገዳስነት ከም ዘስመሩሉን፡ ኣብዚ መዳይ’ዚ፡ ማሕበራዊ ትምህርቲ ቤተ ክርስቲያን ከም ንምፍልላይን ምግምማዕን ከም ፈውሲ ምእንቲ ክፍለጥን ክጽናዕን፡ ናይ ቤተ ክርስቲያን ትካላት ንመጻኢ ኣገልገልቲ መንግስቲ ንምቛም ዝገብርኦ ተወፋይነት፡ ተራ ፖለቲካ ኣገዳሲ እዩ።

ጸረ ውልቃውነትን ስብራትን፡ ብዙሓት ጉጅለታት ብምስምማዕ፡ ወንጌል እዩ፦ ናይ ዋንነት ስምዒት ዘቕርብ፡ ንቑስሊ ዘመንና ከህድኦ ዝኽእል፡ ካብ ደጋዊ ምውህሃድን ምውህሃድን እናርሓቐት እትሕደስ ቤተ ክርስቲያን፤ ሳምራዊ ወጅሂ ርኡይ እትገብር ቤተ ክርስቲያን፣ ተዓዘብቲ ማሕበራዊ ዕንወት ዘይኮኑስ፣ ንከተማ ኩሉ ዳግማይ ዝሃንጹ ለባማት ሃንዳስቲ ዝኾኑ ክርስትያናት ዘለዋ።

ኣብዚ ማዕቀፍ እዚ ግደ ፖለቲካ ኣገዳሲ እዩ፣ ልክዕ ከምቲ ናይ ቤተ-ክርስትያን ትካላት ኣብ ምምስራት ናይ መጻኢ ህዝባዊ ኣገልገልቲ ዘለዎም ኣድላይነት፣ በዚ ምኽንያት ድማ ማሕበራዊ ሰረተ-እምነት ቤተ-ክርስትያን ንምግምማዕ ከም ፈውሲ ኪፍለጥን ክጽናዕን ኣገዳሲ ምዃኑ ብምጉላሕ፡ ነዚ ኣብ ግምት ብምእታዊ ድማ ዋጋ ሲኖዳውነት ከም መንገዲ ምስማዕን ዘተን፣ ከምኡ’ውን ናይ ቤተ ክርስቲያናዊ ሓላፍነት ከም ዘዝመሩሉ ዝሓበረ ናይ ቅድስቲ መንበር ዜናን ክፍሊ ማሕተምን መግለጺ ኣስዒቡ፡ ኣብ መወዳእታ ድማ ድሕሪ ዝቐረቡ ጸብጻባት ርእይቶ ናይ ምቕራብ መደብ ምስ ተኻየደ እቲ ሳልሳይ ውዕሎ ናይ ፍልዩ ዓውደ ጉባኤ ካርዲናላት 12፡45 ቅዱስ ኣቦና ምዝመርሕዎ ጸሎት መልኣከ እግዚኣብሔር ከም እተዛዘመ ኣፍሊጡ።