Партугальскія біскупы падтрымалі дэкларацыю Fiducia supplicans
Аляксандр Амяльчэня - Vatican News
Іерархі ўдакладнілі, што Дакумент, які дапускае магчымасць душпастырскага благаслаўлення так званых нерэгулярных пар, будзе рэалізаваны ў партугальскіх дыяцэзіях, і дадалі, што "цалкам салідарныя" з Папам Францішкам. Змест тэксту, на іх думку, не змяняе вучэнне Каталіцкага Касцёла аб сужэнстве, якім можа быць выключна саюз паміж мужчынам і жанчынай.
Разважлівасць і ўвага да касцёльнага кантэксту і мясцовай культуры могуць дапускаць розныя спосабы прымянення, але не поўную або канчатковую адмову ад гэтага шляху, які прапануецца святарам, - нагадалі яны адно з указанняў, заключаных у дакуменце, падпісаным кардыналам Віктарам Мануэлем Фернандэсам, прэфектам Дыкастэрыі веравучэння, і ксяндзом Арманда Матэа, сакратаром дактрынальнай секцыі гэтага ведамства.
