Катэдра ў Нанце зноў адчыняе дзверы пасля трагедыі
Аляксандр Амяльчэня - Vatican News
У гэтыя выходныя французскі горад Нант адзначыць важную падзею – пасля пяці гадоў рэстаўрацыі адбудзецца ўрачыстае адкрыццё катэдральнага касцёла святых Пятра і Паўла, які быў падпалены ў 2020 годзе. Пажар у гэтым шэдэўры позняй готыкі, які адбыўся ўсяго праз 15 месяцаў пасля трагедыі ў Нотр-Дам у Парыжы, глыбока ўразіў Францыю.
Святочная праграма пачнецца ў суботу 27 верасня 2025 года з ушанавання пажарнікаў і рэстаўратараў. Вячэрняя Імша і канцэрт завершаць першы дзень урачыстасцей. У нядзелю пасля экскурсій адбудзецца святочная Імша з удзелам гасцей дыяцэзіі.
Валанцёр дыяцэзіі, якому адмовілі ў прытулку ў Францыі, падпаліў сабор у трох месцах, не жадаючы вяртацца ў Руанду. За гэтае злачынства ён цяпер адбывае чатырохгадовы турэмны тэрмін.
Адкрыццё, запланаванае на 2024 год, затрымалася з прычыны забруджвання свінцом ад расплаўленага аргана. Заходні фасад будзе рэстаўравацца яшчэ тры гады.
