Іспанія: Касцёл інвестуе ў працу – 157 мільёнаў на падтрымку
Аляксандр Амяльчэня - Vatican News
Іспанская каталіцкая дабрачынная арганізацыя дэманструе прынцыпова новы падыход да сацыяльных выклікаў. Паводле справаздачы "Салідарная эканоміка 2025", прадстаўленай у Барселоне, “Caritas” павысіла фінансаванне працоўных ініцыятыў на 8,63 працэнта. Гэта стала адказам на рост нестабільнасці, які закранае найбольш неабароненыя слаі грамадства.
Caritas абараняе мадэль эканомікі, заснаваную на патрэбах чалавека
Дакумент сведчыць пра поспех абранай стратэгіі: у 2025 годзе кожны пяты ўдзельнік касцельных праграм змог паспяхова працаўладкавацца. Як адзначаюць аўтары справаздачы, 14 639 чалавек атрымалі рэальную магчымасць забяспечваць сябе ўласнай працай, што на 2 працэнтныя пункты больш, чым годам раней.
Большасць удзельнікаў праграм – жанчыны і асобы старэйшага ўзросту
Аналіз паказвае, што асноўную групу падтрымкі складаюць жанчыны (64 працэнта) і людзі старэйшыя за 45 гадоў. Таксама 58 працэнтаў карыстальнікаў праграм – мігранты з краін па-за межамі Еўрапейскага Саюза.
Праз сістэмныя інвестыцыі ў чалавечы капітал Касцёл у Іспаніі не проста змагаецца з наступствамі крызісу, а вяртае людзям права на годную працу.
