Святы Айцец наведаў новую залу Трыбунала Дзяржавы Ватыкан
Ян Глінскі
Паводле інфармацыі Прэфектуры Папскага двара, падчас візіту Льва XIV яго суправаджалі, між іншым, старшыня Трыбунала Дзяржавы Ватыкан прафесар Венеранда Марана і Прамотар справядлівасці Дзяржавы Ватыкан прафесар Алесандра Дзідзі.
Старая сінадальная зала Апостальскага палаца была месцам правядзення першых пасяджэнняў Сінода Біскупаў, заснаванага ў 1965 годзе святым Паўлам VI. З 1971 года сустрэчы Сінода пачалі адбывацца ў новай Сінадальнай зале, пабудаванай на тэрыторыі Ватыкана архітэктарам П’ер Луіджы Нэрві. Яна знаходзіцца ў будынку Залы Паўла VI.
Старая сінадальная зала вядома таксама як “Зала разбітых галоў”, бо раней у ёй захоўваліся шматлікія пашкоджаныя антычныя статуі. Нядаўна яна была адрэстаўравана і прыстасавана для правядзення слуханняў Трыбунала Дзяржавы Ватыкан. Новыя памяшканні былі прадстаўлены Пантыфіку, які ў бліжэйшы час таксама пераедзе ў Апостальскі палац.
