Леў XIV прывітаў удзельнікаў плавання на парусніку “Bel Espoir”
Марыя Валодзіна - Vatican News
За гэты час каля 200 маладых удзельнікаў плавання наведалі 30 партовых гарадоў Міжземнамор’я. Унікальны праект даў магчымасць моладзі розных нацыянальнасцяў, культур і рэлігій пазнаёміцца, абмяняцца думкамі і пасупрацоўнічаць. Такі досвед дае выдатнае ўяўленне пра радасці і цяжкасці пабудовы адносін з людзьмі рознага паходжання і працы дзеля агульнай мэты, - падкрэсліў Святы Айцец у сваім звароце.
Праца дзеля міру патрабуе сталасці і бескарыслівасці, разумення патрэбаў іншых і сумеснага пошуку рашэнняў. Езус вучыць нас, што для дасягнення міру неабходнае прабачэнне: бо толькі праз яго мы можам атрымаць дар міру, а потым падзяліцца ім з іншымі, - нагадаў Папа.
Святы Айцец заклікаў моладзь памятаць урокі, якія яны атрымалі падчас плавання, і спрыяць дыялогу, агульным мэтам і радасці сустрэчы з рознымі людзьмі. Ён даручыў удзельнікаў праекта заступніцтву Марыі, Маці Касцёла, і шчыра благаславіў кожнага з іх.
