Прэзідэнт Гватэмалы здзейсніў візіт у Ватыкан
Аляксандр Панчанка - Vatican News
Палітык сустрэўся таксама з кардыналам-дзяржсакратаром П’етра Паралінам, якога суправаджаў арцыбіскуп Пол Рычард Галахер, сакратар па адносінах з дзяржавамі і міжнароднымі арганізацыямі.
Падчас сардэчных перамоў у Дзяржаўным сакратарыяце было падкрэслена ўзаемнае прызнанне добрых адносін паміж Гватэмалай і Апостальскай Сталіцай, а таксама жаданне яшчэ больш іх умацаваць.
Асобная ўвага была нададзена пытанням, якія ўяўляюць узаемную цікавасць, такім як сацыяльна-эканамічнае развіццё, барацьба з беднасцю, карупцыяй, наркатрафікам і злачыннасцю, а таксама супрацоўніцтва з мясцовым Касцёлам дзеля сацыяльнай згуртаванасці і дабра краіны.
Бакі абмеркавалі таксама шэраг пытанняў рэгіянальнага і міжнароднага сацыяльна-палітычнага характару, асаблівую ўвагу звярнуўшы на праблему міграцыі і канфліктаў, якія працягваюцца.
