Вялікі чацвер: Пантыфік абмые ногі дванаццаці святарам
У Вялікі чацвер, 2 красавіка 2026 года, Леў XIV узначаліць Імшу Вячэры Пана ў Базіліцы святога Яна на Латэране, падчас якой абмые ногі дванаццаці святарам. Літургія пачнецца ў 17:30.
Марыя Валодзіна – Vatican News
Як паведамляецца ў камунікаце Рымскай дыяцэзіі, сярод святароў, якія будуць удзельнічаць у абрадзе абмывання ног, – адзінаццаць прэзбітэраў, якія былі пасвечаныя Папам у 2025 годзе, яшчэ адзін – духоўны настаўнік Папскай семінарыі – айцец Рэнца К’еза.
Пасля літургіі Папа перанясе Найсвяцейшы Сакрамэнт на месца яго захавання – у капліцу святога Францішка.
01 красавіка 2026, 14:40
