Нямецкі актор: Францішак – Папа для простых людзей
Аляксандр Амяльчэня - Vatican News
Нягледзячы на тое, што Арнольд выйшаў з пратэстанцкай супольнасці і не лічыць сябе рэлігійным чалавекам, праца над аўдыёверсіяй папскай кнігі істотна паўплывала на яго светапогляд. Пра гэта ён распавёў каталіцкаму інтэрнэт-парталу domradio.de.
Францішак разумее Касцёл з пазіцыі простых людзей
"Францішак – гэта Папа, які глядзіць на свет вачыма простых людзей, і гэта мяне вельмі ўразіла", - падзяліўся нямецкі актор. Паводле яго слоў, асабліва кранальнымі з'яўляюцца тыя месцы ў кнізе, дзе Пантыфік гаворыць пра сваё галоўнае імкненне – разумець Езуса і рэлігію з пазіцыі простых людзей, бедных і адкінутых грамадствам.
Кніга прымушае па-новаму паглядзець на духоўнасць
"Гэтая кніга падштурхнула мяне па-іншаму паглядзець на рэлігійнасць і духоўнасць", - прызнаўся Арнольд. Хоць ён і не плануе вяртацца ў Касцёл, але рэкамендуе кнігу ўсім, хто цікавіцца духоўнымі пытаннямі. "Яна напісана неверагодна пранікнёна і літаратурна прывабна. Аповед пра падзеі з жыцця Папы захапляе і ўражвае", - заўважыў актор.
Кніга Spera выйшла на мінулым тыдні адначасова ў больш чым 80 краінах свету.
