Карэя: Адвэнт пад знакам надзеі на дыялог
Аляксандр Амяльчэня - Vatican News
Старшыня камісіі “Справядлівасць і мір”, біскуп Джон Кім Сун Тэ, звярнуўся да народа з кранальным заклікам: “ідзіце далей за нянавісць” і “абараняйце чалавечую годнасць”.
Як паведамляе агенцтва “Fides”, у перыяд Адвэнту іерарх з болем канстатаваў, што варожасць атручвае сэрцы як моладзі, так і пажылых людзей, а даўняя мара аб уз'яднанні Карэі паступова згасае. Касцёл жадае падтрымаць гэтую полымя надзеі, прапануючы “ўніверсальную эмпатыю” як лекі ад падзелаў.
Разам з біскупскім заклікам урад у Сеуле пацвердзіў намер аднавіць кантакты з Пхеньянам. Галоўная мэта – вызваленне шасці паўднёвакарэйскіх грамадзян, затрыманых на Поўначы паміж 2013 і 2016 гадамі. Улады прызнаюць, што доўгае маўчанне толькі паглыбляе пакуты падзеленых сем'яў і вязняў.
Урад плануе працаваць на аснове грамадскага кансэнсусу, каб як мага хутчэй аднавіць кантакты. Міністэрства аб'яднання пацвердзіла гатоўнасць да кансультацый.
Аднак сітуацыя застаецца складанай: яшчэ ў 2023 годзе Кім Чэн Ын заявіў пра поўную адмову ад адносін з паўднёвым суседам, што робіць заклік біскупа да “добрай палітыкі” і суіснавання як ніколі актуальным.
