Пошук

Біскуп Ноэль Трэанор Біскуп Ноэль Трэанор  

Францішак прызначыў нунцыя пры Еўрапейскім саюзе

26 лістапада 2022 года Францішак прызначыў новым Апостальскім нунцыем пры Еўрапейскім саюзе ірландскага біскупа Ноэля Трэйнара, адначасова надаўшы яму годнасць арцыбіскупа.

Аляксандр Панчанка – Vatican News

Трэйнар нарадзіўся ў Сільверстрыме, у Ірландыі, 25 снежня 1950 года. Прэзбітэрскае пасвячэнне атрымаў у 1976 годзе. З 31 сакавіка 1993 года быў генеральным сакратаром Камісіі біскупскіх канферэнцый Еўрапейскай супольнасці (COMECE), якая знаходзіцца ў Бруселі. 22 лютага 2008 года быў прызначаны біскупам Даўна і Конара ў Ірландыі.

Цяпер ён будзе займаць пасаду, якую з 8 мая 2021 па 2 снежня 2021 года займаў арцыбіскуп Альда Джардана, заўчасна памерлы з-за ўскладненняў са здароўем, выкліканых каронавірусам.
 

26 лістапада 2022, 12:38