Кардынал Тагле наведаў каталіцкую супольнасць у Азербайджане
Марыя Валодзіна - Vatican News
Участак зямлі для будаўніцтва другой каталіцкай святыні ў сталіцы Азербайджана быў выдзелены спецыяльным указам прэзідэнта Азербайджана Ільхама Аліева. У снежні 2024 года арцыбіскуп Пол Рычард Галахер, сакратар па адносінах Святога Пасада з дзяржавамі і міжнароднымі арганізацыямі, асвяціў пляцоўку пад будаўніцтва касцёла святога Яна Паўла II у Баку.
Кардынал Тагле наведаў Азербайджан на запрашэнне біскупа Уладзіміра Фекеце. У рамках візіту ён сустрэўся з старшынёй Дзяржаўнага камітэта па справах рэлігій Рамінам Мамедавым, падзякаваўшы за спрыяльны для міжканфесійных адносін клімат у краіне, а таксама за дзяржаўную і грамадскую падтрымку каталіцкай супольнасці ў ажыццяўленні яе місіі.
Асобным пунктам праграмы стала наведванне прытулку для бяздомных святой Маці Тэрэзы з Калькуты, дзе кардынал Тагле ўзначаліў Імшу.
Іерарх наведаў таксама курыю апостальскай прэфектуры, дзе яго цёпла вітала мясцовае духавенства, а таксама святары і манахі ордэна салезіянаў, якія знаходзіліся ў Баку на ўрачыстасцях з нагоды 25-годдзя місіі ў краіне.
За кубкам гарбаты ў рэфекторыі курыі прысутныя мелі магчымасць задаць кардыналу Тагле пытанні пра выклікі, з якімі сутыкаецца Касцёл у свеце.
