Святы Пасад рыхтуецца да сустрэчы Льва XIV і Эмануэля Макрона
Прэзідэнт Францыі Эмануэль Макрон на наступным тыдні наведае Ватыкан для сваёй першай сустрэчы з Львом XIV, што пацвердзіла Зала Друку Святога Пасада.
Аляксандр Амяльчэня - Vatican News
У пятніцу 10 красавіка 2026 года французскі лідар прыбудзе з афіцыйным візітам да Святога Айца. Гэтую інфармацыю, якая першапачаткова з’явілася ў французскіх медыя і была распаўсюджана Елісейскім палацам, афіцыйна пацвердзіў журналістам кіраўнік Залы Друку Матэа Бруні. Прэзідэнта ў паездцы будзе суправаджаць яго жонка Брыжыт.
Для Макрона гэта будзе першая асабістая сустрэча з Львом XIV. Раней французскі прэзідэнт неаднаразова сустракаўся з Папам Францішкам. Апошняя такая магчымасць для дыялогу выпала 14 снежня 2024 года ў Ажаксьё падчас апостальскага падарожжа Пантыфіка на Корсіку.
02 красавіка 2026, 11:40
