Дэлегацыя Ватыкана на лічбавым форуме ў Жэневе
Аляксандр Амяльчэня - Vatican News
6 ліпеня 2026 года ў Жэневе распачаўся Сусветны форум па інфармацыйным грамадстве (WSIS Forum). Гэта важная шматбаковая сустрэча пад эгідай Арганізацыі Аб’яднаных Нацый. Галоўным арганізатарам выступае Міжнародны саюз электрасувязі. Платформа дапамагае наладжваць глабальнае лічбавае супрацоўніцтва. У працы прымаюць удзел прадстаўнікі ўрадаў, прыватнага сектара і навукоўцы.
Сёння, 7 ліпеня 2026 года, распачынаецца Глабальны саміт па штучным інтэлекце на карысць дабра (AI for Good Global Summit). Гэтую падзею арганізуе Міжнародны саюз электрасувязі разам з Швейцарскай Канфедэрацыяй. Праца будзе засяроджана на тэхнічных стандартах і навучанні маладых інаватараў.
Ватыканская дэлегацыя таксама прыбыла ў Швейцарыю для ўдзелу ў сустрэчах. Місію Губернатарату Дзяржавы Ватыкан узначальвае яго Старшыня – сястра Рафаэла Пэтрыні. На працягу гэтага тыдня запланаваны розныя тэматычныя ініцыятывы. Іх арганізуе Пастаянная місія Святога Пасада пры Арганізацыі Аб’яднаных Нацый пад кіраўніцтвам нунцыя, арцыбіскупа Этарэ Балестрэра.
