ಕ್ರೈಸ್ತರು ಪವಿತ್ರ ನಾಡಿಗೆ ತೀರ್ಥಯಾತ್ರೆ ಮಾಡುವಂತೆ ಪಿತೃಪ್ರಧಾನ ಪಿಜ್ಜಬಲ್ಲಾರವರು ಒತ್ತಾಯಿಸುತ್ತಾರೆ
ಡೆವಿನ್ ವ್ಯಾಟ್ಕಿನ್ಸ್
"ಈ ಕದನ ವಿರಾಮವು ಪವಿತ್ರ ನಾಡಿನ ಜೀವನದಲ್ಲಿ ಗುರುತಿಸಲ್ಪಟ್ಟ ಒಂದು ಮಹತ್ವದ ತಿರುವು."
ಜೆರುಸಲೇಮ್ನ ಪವಿತ್ರ ಸಮಾಧಿಯ ದೇವಾಲಯದಿಂದ ರೆಕಾರ್ಡ್ ಮಾಡಲಾದ ವೀಡಿಯೊ ಸಂದೇಶದಲ್ಲಿ ಪಿತೃಪ್ರಧಾನ ಪಿಯರ್ಬಟಿಸ್ಟಾ ಪಿಜ್ಜಬಲ್ಲಾರವರು ಆ ಮೌಲ್ಯಮಾಪನವನ್ನು ನೀಡಿದರು.
ಜೆರುಸಲೇಮ್ನ ಲತೀನ್ ಪಿತಾಮಹರೊಂದಿಗೆ ಪವಿತ್ರ ನಾಡಿನ ಕಸ್ಟೋಸ್ ಧರ್ಮಗುರುವಾದ ಫ್ರಾನ್ಸೆಸ್ಕೊ ಪ್ಯಾಟನ್ ರವರು ಸೇರಿಕೊಂಡರು, ಅವರು ಮುಂದಿನ ದಿನಗಳಲ್ಲಿ ಪವಿತ್ರ ನಾಡಿಗೆ ತೀರ್ಥಯಾತ್ರೆ ಮಾಡಲು ಯೋಜನೆಗಳನ್ನು ರೂಪಿಸಲು ಕ್ರೈಸ್ತರನ್ನು ಆಹ್ವಾನಿಸಿದರು.
"ಕಳೆದ ವರ್ಷ ಒಂದು ಕಷ್ಟಕರವಾದ ವರ್ಷವಾಗಿತ್ತು" ಎಂದು ಪಿತೃಪ್ರಧಾನ ಪಿಜ್ಜಬಲ್ಲಾರವರು ಹೇಳಿದರು. "ಈ ವರ್ಷ, ಇಡೀ ಸಾರ್ವತ್ರಿಕ ಧರ್ಮಸಭೆಯ, ಬೆಂಬಲಕ್ಕಾಗಿ, ಪ್ರಾರ್ಥನೆಗಾಗಿ ಅಥವಾ ಪವಿತ್ರ ನಾಡಿಗಾಗಿ ಅವರು ವ್ಯಕ್ತಪಡಿಸಿದ ಏಕತೆ ಮತ್ತು ಒಗ್ಗಟ್ಟಿಗಾಗಿ ನಾವು ಹೊಂದಿರುವ ಕೃತಜ್ಞತೆಯನ್ನು ವ್ಯಕ್ತಪಡಿಸಲು ನಾನು ಬಯಸುತ್ತೇನೆ" ಎಂದು ಪಿತೃಪ್ರಧಾನ ಪಿಜ್ಜಬಲ್ಲಾರವರು ಹೇಳಿದರು.
ಭಾನುವಾರ ಜಾರಿಗೆ ಬಂದ ಇಸ್ರಯೇಲ್ ಮತ್ತು ಹಮಾಸ್ ನಡುವಿನ ಕದನ ವಿರಾಮದೊಂದಿಗೆ, ಜೆರುಸಲೇಮ್ ಸುರಕ್ಷಿತವಾಗಿದೆ ಎಂದು ಹೇಳುತ್ತಾ, ವಿಶ್ವಾದ್ಯಂತ ಕ್ರೈಸ್ತರು ಪವಿತ್ರ ನಾಡಿನೊಂದಿಗೆ ತಮ್ಮ ಒಗ್ಗಟ್ಟನ್ನು ವ್ಯಕ್ತಪಡಿಸಬೇಕೆಂದು ಅವರು ಒತ್ತಾಯಿಸಿದರು.
"ಭರವಸೆಯ ಉಗಮವು ಮತ್ತು ಅದರ ಮೂಲವು ಪುನರುತ್ಥಾನಗೊಂಡ ಪ್ರಭು ಯೇಸುವಿನ ಪವಿತ್ರ ಸಮಾಧಿಯಲ್ಲಿದೆ" ಎಂದು ಅವರು ಹೇಳಿದರು. "ಆದ್ದರಿಂದ, ಭರವಸೆಯ ಉಗಮದ ಈ ಪವಿತ್ರ ಸಮಾಧಿಯನ್ನು ಹಾಗೂ ದೇವರ ಯಾತನೆಯ ಅನುಭವವನ್ನು ಪಡೆಯಲು, ಇಲ್ಲಿಗೆ ಬರಲು ಧೈರ್ಯ ಮಾಡುವ ಸಮಯ ಬಂದಿದೆ. ನಾವು ನಿಮಗಾಗಿ ಕಾಯುತ್ತಿದ್ದೇವೆ" ಎಂದು ಅವರು ಹೇಳಿದರು.
ತೀರ್ಥಯಾತ್ರೆ ಮತ್ತು ಶ್ರೇಷ್ಠ ಕಥೋಲಿಕ ಕುಟುಂಬ
ವೀಡಿಯೊದಲ್ಲಿ, ಧರ್ಮಗುರು ಪ್ಯಾಟನ್ ರವರು ಪಿತೃಪ್ರಧಾನ ಪಿಜ್ಜಬಲ್ಲಾರವರ ಮಾತಿಗೆ ಸಮ್ಮತಿಸಿದರು, ಯೇಸು ಜನಿಸಿದ, ಮರಣ ಹೊಂದಿದ ಮತ್ತು ಪುನರುತ್ಥಾನರಾದ ನಾಡಿಗೆ ತೀರ್ಥಯಾತ್ರೆಯನ್ನು ಕೈಗೊಳ್ಳುವ ಮಹತ್ವವನ್ನು ಎತ್ತಿ ತೋರಿಸಿದರು.
ಪವಿತ್ರ ಸಮಾಧಿಯ ಮುಂದೆ ನಿಂತು, ಅವರು ಹೇಳಿದರು, "ಕ್ರೈಸ್ತರು ನಿಮಗಾಗಿ ಕಾಯುತ್ತಿದ್ದಾರೆ, ಏಕೆಂದರೆ ನೀವು ಪವಿತ್ರ ನಾಡಿಗೆ ಯಾತ್ರಿಕರಾಗಿ ಬಂದಾಗ, ನಮ್ಮ ಪುಟ್ಟ ಕ್ರೈಸ್ತ ಸಮುದಾಯವು ನಾವು ಒಂದು ದೊಡ್ಡ ಕುಟುಂಬದ ಭಾಗವೆಂದು ಭಾವಿಸುತ್ತದೆ, ಕಥೋಲಿಕ ಧರ್ಮಸಭೆಯ ದೊಡ್ಡ ಕುಟುಂಬ - ವಿಶ್ವದಾದ್ಯಂತ ವಾಸಿಸುವ ಕ್ರೈಸ್ತರಾಗಿದ್ದಾರೆ."
"ದಯವಿಟ್ಟು, ಭಯಪಡಬೇಡಿ, ಭಯಪಡಬೇಡಿ ಬನ್ನಿ!" ಎನ್ನುತ್ತಾ ಧರ್ಮಗುರು ಪ್ಯಾಟನ್ ರವರು ಪವಿತ್ರ ನಾಡಿಗೆ ಎಲ್ಲಾ ಭರವಸೆಯ ಯಾತ್ರಿಕರನ್ನು ಆಹ್ವಾನಿಸುತ್ತಿದ್ದಾರೆ.
