ಧರ್ಮಗುರು ರೊಮೆನೆಲ್ಲಿ: ಗಾಜಾದಲ್ಲಿ ಪರಿಸ್ಥಿತಿ ದಿನೇ ದಿನೇ ಗಂಭೀರವಾಗುತ್ತಿದೆ, ನಮಗಾಗಿ ಪ್ರಾರ್ಥಿಸಿ
ಎಲ್’ಒಸ್ಸೆರ್ವಟೋರ್ ರೊಮಾನೋ – ವ್ಯಾಟಿಕನ್ ಸುದ್ದಿ
ಎಲ್ಲರಿಗೂ ನಮಸ್ಕಾರ, ನಡೆದದ್ದು ಭಯಾನಕ ಸಂಗತಿ. ನಿಮಗೆ ತಿಳಿದಿರುವಂತೆ, ಎರಡು ದಿನಗಳ ಹಿಂದೆ, ನಮ್ಮ ದೇವಾಲಯದ ಮುಂಭಾಗದಲ್ಲಿ, ಅಂದರೆ ಪವಿತ್ರ ಕುಟುಂಬದ ಕಥೋಲಿಕ ದೇವಾಲಯದ ಮುಂದೆ ಸ್ಫೋಟ ಸಂಭವಿಸಿದೆ. ನೀವು ನೋಡುವ ಆ ಶಿಲುಬೆಯು ಸುಮಾರು ಎರಡು ಮೀಟರ್ ಎತ್ತರವಿದೆ, ಆದ್ದರಿಂದ ಅದು ದೊಡ್ಡದಾಗಿದೆ ಮತ್ತು ಆ ಚೂರುಗಳು, ಚೂರುಗಳು ಮಾತ್ರವಲ್ಲದೆ, ಬಂಡೆಗಳು ಕೂಡ ದೇವಾಲಯದ ಕೆಳಗೆ ಟೆಂಟ್ನಲ್ಲಿದ್ದ ಇಬ್ಬರು ವೃದ್ಧ ಮಹಿಳೆಯರ ಮೇಲೆ ಬಿದ್ದವು ಮತ್ತು ಅವರು ಜೀವ ಕಳೆದುಕೊಂಡರು. ಲೋಹದ ತುಣುಕುಗಳು ಇತರ ಹಲವರನ್ನು ಗಾಯಗೊಳಿಸಿದವು. ಈ ಸ್ಫೋಟದಲ್ಲಿ ಹದಿನೈದು ಮಂದಿ ಗಾಯಗೊಂಡರು, ಅವರಲ್ಲಿ ಮೂವರು ಸಾವನ್ನಪ್ಪಿದ್ದಾರೆ. ದ್ವಾರಪಾಲಕ ಸಾದ್, ಇಬ್ಬರು ವೃದ್ಧ ಮಹಿಳೆಯರಾದ ಫೌಮಿಯಾ ಮತ್ತು ನಜ್ವಾ ಅವರೊಂದಿಗೆ ಸಾವನ್ನಪ್ಪಿದರು.
ಗಾಯಾಳುಗಳಲ್ಲಿ, ನನ್ನ ಕಾಲಿಗೆ ಗಾಯವಾಗಿತ್ತು, ಏನೂ ಗಂಭೀರವಾಗಿಲ್ಲ, ಮತ್ತು ಪಕ್ಕಕ್ಕೂ ಗಾಯವಾಗಿತ್ತು. ಆದರೆ ಇಬ್ಬರು ಗಂಭೀರವಾಗಿ ಗಾಯಗೊಂಡಿದ್ದಾರೆ. ಆದರೆ ಅವರ ಜೀವಕ್ಕೆ ಈಗ ಅಪಾಯಕಾರಿ ಸ್ಥಿತಿಯಲ್ಲಿಲ್ಲ, ನಜೀಬ್ ಇನ್ನೂ ಆಂಗ್ಲಿಕನ್ ಆಸ್ಪತ್ರೆಯಲ್ಲಿ ಆಸ್ಪತ್ರೆಗೆ ದಾಖಲಾಗಿದ್ದಾರೆ, ಶ್ವಾಸಕೋಶಕ್ಕೆ, ಅವರ ಸ್ಥಿತಿ ಇನ್ನೂ ಗಂಭೀರವಾಗಿದೆ. ನಮ್ಮ ಪೋಸ್ಟ್ಯುಲೆಂಟ್, ನಮ್ಮ ಧಾರ್ಮಿಕ ಸಹೋದರ ಸುಹೇಲ್, ಅವರನ್ನು ನಿಮ್ಮಲ್ಲಿ ಅನೇಕರು ತಿಳಿದಿದ್ದಾರೆ. ಅವನು ತುಂಬಾ ಸಮರ್ಥ ಯುವಕ, ತುಂಬಾ ಧರ್ಮಪ್ರಚಾರಕ. ಅವನಿಗೆ 15 ವರ್ಷ ವಯಸ್ಸಾಗಿದ್ದರಿಂದ, ಅವನು ತನ್ನ ದೈವಕರೆಯನ್ನು ಅನುಭವಿಸಿದನು ಮತ್ತು ಅವನು ಎರಡು ವರ್ಷಗಳ ಹಿಂದೆಯೇ ಗುರುವಿದ್ಯಾಮಂದಿರದಲ್ಲಿ ಇರಬೇಕಿತ್ತು, ಆದರೆ ಯುದ್ಧ ಪ್ರಾರಂಭವಾಯಿತು ಮತ್ತು ಅವನು ತನ್ನ ನವಶಿಷ್ಯತ್ವವನ್ನು ಅಧಿಕೃತವಾಗಿ ಪಾಲಿಸಿ ಪ್ರಯಾಣಿಸಲು ಸಾಧ್ಯವಾಗಲಿಲ್ಲ.
ಅವರು ಇಲ್ಲಿ ಧರ್ಮಕೇಂದ್ರದಲ್ಲಿ ತುಂಬಾ ಸಕ್ರಿಯರಾಗಿದ್ದಾರೆ. ಅವರಿಗೆ ತೀವ್ರ ಗಾಯವಾಗಿ ಶಸ್ತ್ರಚಿಕಿತ್ಸೆ ಮಾಡಲಾಯಿತು. ಈಗ ಅವರು ದೀರ್ಘ ಚೇತರಿಕೆಯ ನಿರೀಕ್ಷೆಯಲ್ಲಿದ್ದಾರೆ. ಆದ್ದರಿಂದ ದಯವಿಟ್ಟು ಈ ಇಬ್ಬರಿಗಾಗಿ ಪ್ರಾರ್ಥಿಸಿ, ಅವರು ಅತ್ಯಂತ ಗಂಭೀರವಾಗಿ ಗಾಯಗೊಂಡಿದ್ದಾರೆ. ಉಳಿದ ಗಾಯಾಳುಗಳು ಆರೋಗ್ಯವಾಗಿದ್ದಾರೆ.
ನಾನು ಹೇಳಿದಂತೆ, ಪರಿಸ್ಥಿತಿ ಇನ್ನೂ ತುಂಬಾ ಗಂಭೀರವಾಗಿಯೇ ಇದೆ. ಈ ಯುದ್ಧವು ಯಾವುದೇ ಒಳ್ಳೆಯದನ್ನು ತರುವುದಿಲ್ಲ ಎಂದು ಜಗತ್ತಿಗೆ ಮನವರಿಕೆ ಮಾಡಿಕೊಡಲು ನಾವು ಶಾಂತಿಗಾಗಿ ಪ್ರಾರ್ಥಿಸುತ್ತಲೇ ಇರುತ್ತೇವೆ. ಅದು ಬೇಗ ಮುಗಿದಷ್ಟೂ ಒಳ್ಳೆಯದು - ಎಲ್ಲರಿಗೂ: ಪ್ಯಾಲಸ್ತೀನರಿಗಾಗಿ, ಇಸ್ರಯೇಲ್ಗಾಗಿ, ಎಲ್ಲಾ ನಾಗರಿಕರಿಗೆ. ನಾನು ಏನು ಹೇಳಲಿ... ನಾವು ತುಂಬಾ ಕಳೆದುಕೊಂಡಿದ್ದೇವೆ, ನಾವು ತುಂಬಾ ಅನುಭವಿಸಿದ್ದೇವೆ ಮತ್ತು ನಾವು ಯಾತನೆಯನ್ನು ಅನುಭವಿಸುತ್ತಲ್ಲೇ ಇದ್ದೇವೆ. ನಾವು ಅದನ್ನೆಲ್ಲಾ ದೇವರಿಗೆ ಅರ್ಪಿಸುತ್ತೇವೆ.
ಈ ಯುದ್ಧವನ್ನು ಕೊನೆಗೊಳಿಸಲು ನಾವು ಇಡೀ ಜಗತ್ತನ್ನು ಮನವೊಲಿಸೋಣ.
ಆದ್ದರಿಂದ ನಾನು ಮತ್ತೊಮ್ಮೆ ನಿಮ್ಮ ಪ್ರಾರ್ಥನೆಗಳನ್ನು ಕೇಳುತ್ತೇನೆ, ಮತ್ತು ಇಡೀ ಜಗತ್ತನ್ನು ಈ ಯುದ್ಧವನ್ನು ಕೊನೆಗೊಳಿಸಲು ಮನವೊಲಿಸಲು ಪ್ರಯತ್ನಿಸೋಣ. ಇದರಿಂದ ನಾವು ಪ್ಯಾಲಸ್ತೀನಿನಲ್ಲಿ ಮತ್ತು ಇಸ್ರಯೇಲ್ನಲ್ಲಿ ಶಾಂತಿ, ನ್ಯಾಯ ಮತ್ತು ಸಮನ್ವಯವನ್ನು ಪುನರ್ನಿರ್ಮಿಸಲು ಪ್ರಾರಂಭಿಸಬಹುದು. ನಮ್ಮ ತಾಯಿ ಮಾತೆ ಮೇರಿಯು ನಿಮ್ಮನ್ನು ಆಶೀರ್ವದಿಸಲಿ. ನಿಮ್ಮ ಆತ್ಮೀಯತೆಗೆ ನನ್ನ ಧನ್ಯವಾದಗಳು.
